Si pasojë e mjegullës së dendur që ka mbuluar zonën, Aeroporti Ndërkombëtar i Prishtinës “Adem Jashari”, ka njoftuar për disa fluturime të anuluara.
Raportohet se një fluturim nga Shtutgarti për në Prishtinë është detyruar të ulet në Aeroportin e Shkupit, ndërkohë që të gjitha arritjet e tjera janë pezulluar për momentin.
Përsa i përket fluturimeve që duhej të niseshin nga Aeroporti i Prishtinës, janë anuluar gjithsej gjashtë fluturime.
Mundesh me e lexu edhe…
Për vajtje në Hannover, Nuremberg, Basel – Mulhouse, Zurich, Stamboll, Basel – Mulhouse, Munich dhe Oslo.
Ministri i Infrastrukturës Liburn Aliu dy javë më parë deklaroi se trafiku ajror do të funksionojë pa ndërprerje edhe përkundër kushteve të vështira atmosferike, pasi Qeveria e Kosovës ka investuar në sistemin e avancuar të aterimit “ILC CAT 3B.
“Edhe në këto kushte të vështira atmosferike, trafiku ajror vazhdon të funksionojë pa ndërprerje falë investimeve të Qeverisë së Kosovës në sistemin e avancuar të aterimit – ILS CAT 3B. Ditët kur fluturimet anuloheshin për shkak të motit të keq me mjegull kanë mbetur tashmë histori!”, ka shkruar Aliu.
Por megjithatë ende nuk dihet nëse është futur në funksion ky lloj sistemi për të mundësuar fluturimet, përkundër mjegullës, dhe kushteve të tjera atmosferike. /Katror.info
Përgatiti:
