Presidenti Donald Trump ka njoftuar një rritje prej 100 miliardë dollarësh në shumën e parave që kompania e teknologjisë Apple planifikon të investojë në Shtetet e Bashkuara.
Në një ceremoni në Zyrën Ovale të mërkurën, Trump qëndroi pranë drejtorit ekzekutiv të Apple, Tim Cook, dhe ia atribuoi rritjen e investimeve agjendës së tij politike “Amerika e Para”.
Ai vuri në dukje se investimi i përgjithshëm që Apple parashikon të bëjë gjatë katër viteve të ardhshme tani arrin në 600 miliardë dollarë, përcjell Telegrafi.
Mundesh me e lexu edhe…
“Ky është investimi më i madh që Apple ka bërë ndonjëherë në Amerikë dhe kudo tjetër”, tha Trump.
“Apple ka qenë paksa investitor në vende të tjera. Nuk do të them se cilat, por disa. Dhe ato po kthehen në shtëpi”.
Trump ka nxitur një prodhim më të madh vendas në sektorin e teknologjisë dhe industri të tjera, dhe ka kërcënuar kompanitë me tarifa të larta nëse ato vazhdojnë të bëjnë biznes jashtë shtetit.
Si pjesë e njoftimit të së mërkurës, Trump tha se do të vendoste një tarifë prej afërsisht 100 përqind për çdo çip dhe gjysmëpërçues të importuar që mbërrijnë në SHBA.
Nga ana e tij, Cook konfirmoi rritjen e investimeve vendase të kompanisë së tij, duke thënë se kishte nënshkruar marrëveshje të reja me 10 kompani në SHBA për të nxitur më shumë prodhim./Telegrafi/Katror.info
