Arkeologët kanë gjetur kokën e një statuje të Aleksandrit të Madh në Turqi, e cila është në gjendje pothuajse të përkryer.
Artikulli i rrallë dhe unik u gjet në majë të një teatri të epokës romake, i vendosur në Konuralp, në veri të Duzce dhe afër bregut veriperëndimor të Turqisë. Besohet se daton nga shekulli II dhe tani ndodhet në muzeun e Konuralp ku u dorëzua nga arkeologët.
Pjesa më e madhe e teatrit antik u zbulua gjatë gërmimeve të kryera në 12 muajt e fundit në komunën e Duzçes, por kohët e fundit u zbulua koka e ish-udhëheqësit Aleksandrit të Madh, si dhe krahu grek i Apollonit dhe përbindëshit mitik, Meduza, janë gjetur gjatë kërkimeve në pjesën e sipërme të teatrit.
Mundesh me e lexu edhe...
Të gjitha statujat janë studiuar nga ekspertë të historisë si dhe nga Ministria Turke e Gërmimeve dhe Kërkimeve. Ekspertët kanë përcaktuar se koka e portretit është një paraqitje e saktë e Aleksandrit të Madh, edhe pse ajo është skalitur ndoshta 400 vjet pas vdekjes së tij.
“U gjet koka e Aleksandrit te Madh me përmasa 23 centimetra. Një pjesë e kokës janë sytë prej mermeri. Goja është pak e hapur dhe nuk i nxjerr shumë dhëmbët, flokët e tij të gjate kaçurrela i arrijnë deri në qafë, ndërsa në fytyrën e tij ka dy tufa. Ky lloj flokësh është specifik për Aleksandrin e Madh”, thonë ekspertët e muzeut.
Komandanti dhe sundimtari i famshëm ushtarak i lashtë, Aleksandri i Madh, i njohur gjithashtu si Aleksandri III Maqedonas, sundoi nga viti 356 deri në 323 para Krishtit. Ai konsiderohet si një nga udhëheqësit më të mëdhenj ushtarakë në histori për shkak të pushtimeve dhe ndikimit të tij të jashtëzakonshëm në botën antike.
Aleksandri lindi në Pella, kryeqyteti i Mbretërisë së Maqedonisë, dhe prindërit e tij ishin Mbreti Filip II i Maqedonisë dhe Mbretëresha Olimpia. Pas vrasjes së babait të tij në vitin 336 para Krishtit, Aleksandri u kurorëzua mbret i Maqedonisë. Ai filloi një sërë operacionesh ushtarake, e para prej të cilave ishte pushtimi i Persisë në 334 para Krishtit. Ai ndërtoi një perandori të madhe që përfshinte Greqinë, Egjiptin, Persinë dhe nënkontinentin Indian. Pjesa më e madhe e planetit të njohur atëherë u përfshi në pushtimet e tij.
Aleksandri i Madh vdiq në moshën 32 vjeçare në vitin 323 para Krishtit dhe ende nuk dihet shkaku i saktë i vdekjes. Ka spekulime për vdekje natyrore, sëmundje dhe helmim./Katror.info
Përgatiti:
