Pasuria e Bernard Arnault, personit më të pasur në botë, ka shkuar në mbi 200 miliardë dollarë për herë të parë pasi aksionet në perandorinë e tij franceze të mallrave luksoze LVMH arritën një rekord të lartë.
Sipas mediave të huaja, përcjell Telegrafi, 74-vjeçari është bërë vetëm personi i tretë në histori që grumbullon një pasuri të vlerësuar mbi pragun e 200 miliardë dollarëve.
Elon Musk i Tesla-s dhe Jeff Bezos i Amazon-it kanë arritur më parë momentin historik përpara se pasuria e tyre të binte përsëri pas rënies së çmimeve të aksioneve të kompanive të teknologjisë.
Mundesh me e lexu edhe...
Pasuria e Arnault u rrit me 2.4 miliardë dollarë të martën në 201 miliardë dollarë, sipas indeksit të miliarderëve të Bloomberg të përditësuar çdo ditë.
Pasuria e tij është rritur me 39 miliardë dollarë deri më tani këtë vit, pasi aksionet në LVMH janë rritur 30%, falë rritjes së kërkesës për mallra luksi midis të pasurve në botë.
Miliarderi francez është 25 miliardë dollarë më i pasur se Musk, pasuria e të cilit është rrëzuar nga blerja e Twitter prej 44 miliardë dollarësh dhe një rënie prej 50% e vlerës së kompanisë së makinave elektrike Tesla gjatë vitit të kaluar.
Bezos, i cili ishte personi i parë që arriti nivelin e 200 miliardë dollarëve në gusht 2020, është personi i tretë më i pasur në botë, me një pasuri prej 128 miliardë dollarësh.
Arnault është kryetari dhe shefi ekzekutiv i LVMH, e cila zotëron Louis Vuitton, Christian Dior dhe Moët & Chandon.
Arnault, i cili bashkëthemeloi grupin e mallrave luksoze 35 vjet më parë dhe është aksioneri kryesor i tij, së fundmi emëroi fëmijët e tij në role kyçe brenda biznesit./Katror.info
Përgatiti:
