Të jetosh pranë detit, liqenit apo lumit nuk është vetëm relaks për sytë, por një mënyrë e vërtetë për të ndjerë më shumë qetësi dhe lumturi. Shkencëtarët nga Universiteti i Exeter në Britani thonë se njerëzit që jetojnë afër ujit janë më të qetë, flenë më mirë dhe kanë më pak stres.
Këtë ndjesi e kanë quajtur “Mendja Blu”, një gjendje e thellë qetësie që na përfshin kur jemi pranë ujit. Dhe kjo nuk është vetëm ndjesi, është diçka që ndikon vërtet në trurin e në trupin tonë.
Përveç qetësisë, të jetuarit pranë ujit ndihmon edhe në rritjen e krijimtarisë dhe përmirësimin e shëndetit mendor. Në një botë me shumë zhurmë e stres, duket se uji është një prej ilaçeve më të thjeshta dhe natyrale.
Pra, nëse keni menduar ndonjëherë të shpërnguleni pranë bregut, deti apo liqeni mund të jenë më shumë se një ëndërr. Mund të jenë çelësi për një jetë më të lumtur.
Por, jo vetëm kaq. Nëse keni ecur ndonjëherë nëpër një pyll, e dini sa e bukur dhe e këndshme është një përvojë që përjetoni me çdo hap. Kjo është arsyeja pse disa njerëz zgjedhin të jetojnë në ose pranë një pylli, ndërsa të tjerë udhëtojnë qindra kilometra për të kaluar disa ditë në një vilë të rrethuar nga pisha dhe bredha.
Dihet që psikologët, mjekët dhe të gjithë ekspertët rekomandojnë që fëmijët të kalojnë sa më shumë kohë jashtë, gjë që mbështetet edhe nga metoda 164-vjeçare suedeze për rritjen e fëmijëve të lumtur e rezistentë. Japonezët kanë prej kohësh një term që përshkruan se si koha e kaluar në pyll ndikon në shëndet dhe një studim finlandez e ka konfirmuar këtë.
Mundesh me e lexu edhe…
Të luajturit në bar dhe shkurre pyjore, siç janë ato të boronicave në rastet kur mbillen në çerdhe kopshte, forcoi sistemin imunitar të fëmijëve tre deri në pesë vjeç brenda 28 ditëve. Gjatë gjithë vitit, të hënën, të martën dhe të mërkurën në mëngjes, një grup prej 21 fëmijësh të moshës tre deri në pesë vjeç ecën deri në 40 minuta në pyll. Ata kaluan shtatë orë jashtë, hëngrën drekë jashtë e fjetën në një tendë, përpara se të ktheheshin në çerdhe në mes të pasdites.
Studiuesit zbuluan se diversiteti mikrobik u rrit në lëkurë dhe në zorrët e fëmijëve që luanin rregullisht jashtë midis gjelbërimit pyjor, duke treguar një sistem imunitar më të shëndetshëm. Gjithashtu kishin një numër më të lartë të qelizave T, të cilat luajnë një rol të rëndësishëm në përgjigjen tonë imune dhe përqindja e molekulave anti-inflamatore në plazmën e gjakut gjithashtu u rrit. /Katror.info
Përgatiti:
