‘Art without limit’ është më shumë se një festival ndërkombëtar i filmit, është një rrjet që bashkon zërat unik të personave me nevoja të veçanta.
Këtë vit, po shënohet edicioni i pestë i këtij festivali, edicion ky i cili është i fokusuar në fuqinë e kinemasë për të rritur ndërgjegjësimin dhe vetëdijën mbi çështjet e personave me nevoja të veçanta.
Në edicionin e këtij viti, zëri i personave me nevoja të veçanta do të shfaqet në 50 filma nga e gjithë bota. Histori rreth sfidave të jetës do të shfaqen në ekranin e kinemasë “Armata”, duke transmetuar mesazhe të fuqishme gjatë tre ditëve të ngjarjes.
Mundesh me e lexu edhe...
Në ditën e parë të fesivalit, ishte ceremonina solemne e hapjes e, e cila u përcoll me vargjet poetike nga Halil Mehaj, me poezi për vështirësitë dhe sfidat e jetës. Halil Mehaj ka kumtuar vargje që pasqyrojnë një rrëfim personal, duke theksuar se njeriu mund të jetë i verbër fizikisht, por jo në shpirt, po ashtu kishte një performancë artistike nga pianistja Marigona Hamiti, që ka pengesa në të parë, përmes paraqitjes së saj, ajo ka dëshmuar se muzika ndihet dhe përjetohet, dhe se pasioni kalon përtej vështirësive.
Gjatë kësaj ngjarje u shfaq në premierë një dokumentar pesë minutash që tregon rrugëtimin e artistit të ri Akil Dashevci, përballë vështirësive nga disleksia dhe disgrafia. Më shumë se histori e jetës së tij, ai është një reflektim i artit që thyen kufij, ndihmon në ndërtimin e urave dhe inspirojnë njerëzit të ëndërrojnë më shumë.
Ndërsa sot [ 2 dhjetor ], nga ora 11:00 ditën e dytë të festivalit, pjesa e parë ka qenë e dedikuar për fëmijë, pjesë e së cilës kanë qenë nxënësit e shkollës së muzikës “Prenk Jakova” me dy performanca artistike nga dy talentë Diona Beqiri dhe Jon Thaqi.
Diona Beqiri dhe Jon Thaqi u ngjitën në skenën e Art Without Limit Kids dhe sollën një performancë të jashtëzakonshme, pavarësisht sfidave të tyre, ata janë shembuj të guximit, pasionit dhe përkushtimit ndaj artit. Ky program i veçantë ishte më shumë se një shfaqje, ishte një mesazh frymëzimi që talenti dhe ëndrrat nuk njohin pengesa.
Gjithashtu, nga ora 14:00 ka nisur një panel diskutimi, i cili ka vazhduar deri në ora 15:30, pjesë e panelit ishin gra nga institucionet publike dhe organizata të ndryshme, ku u diskutua tema ‘Gratë që thyejnë kufizimet përmes artit’, ky panelu realizua me, ministren e Drejtësisë, Albulena Haxhiu, regjisoren Monika Melen, drejtoreshen e Kulturës në Prishtinë, Sibel Halimi, Florije Kryeziu nga “UN Women”, gazetarën Lume Berisha, regjisoren Zana Hoxha dhe Adelina Berishën nga Rrjeti i Grave të Kosovës, ngjarja u organizua si një lloj aktivizmi i festivalit duke u bashkuar në fushatën “16 Ditë Aktivizëm Kundër Dhunës me Bazë Gjinore”.
Po ashtu, pjesë e programit të sotëm, janë edhe 8 filma të tjerë artistikë që do të shfaqën në hapësirën e Kinemasë ‘Armata’.
Ky edicion bashkohet me Ditën Ndërkombëtare të Personave me Nevoja të Veçanta, e cila shënohet më 3 dhjetor./Katror.info
Përgatiti:
