Në një moment spontan, një artist që ka vështirësi në dallimin e ngjyrave kontaktoi ekipin e menaxhimit të Tom Cruise për të parë nëse ylli i Top Gun do të donte të mbante një portret që ai kishte krijuar për të.
Wilf Elliott, i cili vjen nga qyteti Clacton në Lindje të Anglisë, ka realizuar vizatime me karbon e pluhur druri, të personazheve të famshëm si Gareth Bale, Zara Larsson dhe Sam Ryder, shkruan Good News Network, përcjell Katror.info.
Pasi pa filmin aksion Top Gun Maverick 18 muaj më parë, arriti në përfundimin se ishte një nga filmat më të mirë që ai kishte parë ndonjëherë.
Mundesh me e lexu edhe…
Portreti kaloi nëpër duar të shumta para se përfundimisht t’i dorëzohej Tom Cruise, i cili tha se donte të takonte Elliott-in personalisht.
Dyshja u takua muajin e kaluar pas 9 muajsh planifikimi dhe kaluan 20 minuta së bashku.
“Ai më pyeti për karrierën time dhe tha se ishte shumë mbresëlënëse, e preka dorën e tij disa herë,” tha Elliott.
“Njerëzit që kam takuar më parë kanë qenë të mëdhenj dhe jashtëzakonisht të dashur, por ky ishte shumë më lart se çdo pritshmëri që kam pasur ndonjëherë” u shpreh ai.
“Ai ishte ndoshta një nga djemtë më të dashur që kam takuar ndonjëherë dhe donte të dinte për karrierën time,” shtoi ai.
Wilf kishte përfunduar gjithashtu një punim të dytë për t’ia dhuruar, por gjatë bisedës, Tom insistoi që Wilf ta mbante atë si kujtim dhe ata bënë disa foto së bashku.
Vizatoja e kokpitit u mor nga menaxhimi i Cruise dhe Elliott menjëherë telefonoi prindërit e tij gjatë udhëtimit për në shtëpi.
“Ata janë jashtëzakonisht të krenuar, duke parë punimet e mia deri tani që janë ngritur në diçka si kjo,” pranoi Elliott.
“Jam shumë mirënjohës për të gjithë ata që morën pjesë në realizimin e këtij takimi, kjo ishte dita më e mirë e jetës sime.”tha ai.
Disa nga zgjedhjet e ëndrrave të Elliott do të ishin muzicienti Post Malone dhe aktorët si Jim Carrey, Ben Stiller dhe Adam Sandler. /Katror.info
Përgatiti:
