Arwa Damon, ish-korrespodentja e CNN në Lindjen e Mesme, që ka rrëmbyer pesë çmime Emmy, ka ndarë me Katror Media se Kosova përshtypjet e saj mbi vendin dhe historinë e tij
Takimi me njerëz të rinj dhe dëgjimi i historive të tyre ishin pjesë e asaj që e bëri këtë udhëtim domethënës për të. Një nga gjërat që e befasoi ishte prania e madhe e simboleve amerikane në Prishtinë, përfshirë statujat e Bill Clintonit dhe Madeleine Albrightit, si dhe dyqanin “Hillary”, të cilat ajo i konsideroi si dashurisë dhe mirënjohje e madhe që Kosova ka për Amerikën.
”Oh, më ka pëlqyer vërtet. Më pëlqen të vij në një vend krejtësisht të ri, të takoj njerëz të rinj, të dëgjoj histori. Dua të them, ishte mjaft interesante dhe e çuditshme për mua ta shoh statujën e Bill Clintonit dhe dyqanin “Hillary”,statujën e Madeleine Albright dhetë shoh se sa shumë dashuri ka për Amerikën. Nuk mendoj se kam qenë ndonjëherë në një vend që e do Amerikën aq shumë sa ky vend.
Mundesh me e lexu edhe…
Damon gjithashtu e vlerësoi si të rëndësishme diskutimin mbi koston e lirisë së Kosovës, kompromiset që u desh të bëheshin dhe mënyrën se si këto vendime, të marra 17 apo 25 vjet më parë, tashmë kërkojnë një rishikim për të siguruar një të ardhme më të qëndrueshme për vendin.
”Dhe pastaj ka qenë mjaft interesante të futem në biseda më të thella mbi atë se me çfarë kostoje erdhi liria e Kosovës dhe çfarë kompromisesh u desh të bëheshin dhe sesi tani vendi është në një fazë ku disa nga ato kompromise që u bënë, 17 vjet më parë ose 25 vjet më parë, ajo dinamikë në fakt duhet të ndryshojë që Kosova të ketë një shans. Por gjithashtu kam mbetur jashtëzakonisht e impresionuar sesa dinamike është gjithçka dhe gjithashtu me nivelin i talentit, talentin e natyrshëm që ekziston këtu”, është shprehur ajo.
Vizita e saj në Kosovë u organizua nga Asociacioni i Gazetarëve të Kosovës (AGK). Në kuadër të kësaj vizite, Damon zhvilloi diskutimin në Librarinë Dukagjini dhe prezantoi dokumentarin e saj “Ngjitja në maje” në Kino Armata, një histori e jashtëzakonshme e katër të mbijetuarëve të luftës që u ngjitën bashkë me të në majën e Kilomanxharo. /Katror.info
Përgatiti:
