Sipas Agjencisë së Statistikave të Kosovës, rritja ekonomike në TM1 2024 ka përshpejtuar edhe më tutje ritmin duke shënuar nivelin 5.62 për qind, që është dukshëm më lartë se tremujori paraprak që ishte 3.96 për qind.
Kështu ka shkruar ministri i Financave, Hekuran Murati përmes një postimi në Facebook, njofton Klankosova.tv.
Ai thotë se ky rezultat demanton të gjithë zërat skeptikë dhe prognozat e zymta që me çdo kusht mundoheshin ta lidhnin liberalizimin e vizave me skenare apokaliptike në fillim të vitit.
Mundesh me e lexu edhe...
“Pas tejkalimit të stuhisë së krizave globale, dhe stabilizimit të çmimeve, tani gradualisht po i kthehemi potencialit dhe rritjes së synuar.
Siç edhe po shihet, liberalizimi i vizave është prej gjërave më të mira që ka ndodhur së fundmi për ekonominë e vendit.
Sepse përveç lehtësimit të udhëtimit për të vizituar familjarët në mërgatë, tani edhe bizneset e ndërmarrësit e kanë shumë më të lehtë të gjejnë tregje të reja e të rrisin aktivitetin biznesor”, thuhet tutje në njoftim./Katror.info
Përgatiti:
