Administrata Tatimore e Kosovës (ATK) ka raportuar një performancë të jashtëzakonshme për vitin 2024, duke tejkaluar pritshmëritë dhe vendosur rekorde të reja në mbledhjen e të hyrave shtetërore. Sipas njoftimit zyrtar, suksesi është rezultat i përkushtimit të menaxhmentit dhe stafit, si dhe masave të reja për një sistem tatimor më efikas dhe transparent, transmeton Katror.info.
“Viti 2024 shënoi një periudhë të rëndësishme për ATK-në, si në aspektin e realizimit të objektivave financiare, ashtu edhe në vlerësimet pozitive nga institucionet ndërkombëtare. Mbledhja e të hyrave ka tejkaluar projeksionet, duke konfirmuar efektivitetin e reformave të ndërmarra,” thuhet në njoftim.
Tendenca pozitive ka vijuar edhe në muajt e parë të vitit 2025, ku statistikat tregojnë një rritje të ndjeshme krahasuar me periudhën e njëjtë të vitit paraprak.
Mundesh me e lexu edhe...
“Gjatë janarit dhe shkurtit 2025, ATK ka mbledhur 184.3 milionë euro të hyra tatimore, që përfaqëson një rritje prej 7.2% ose 12.3 milionë euro më shumë se periudha e njëjtë e vitit 2024,” thuhet më tej në njoftim.
ATK ka paralajmëruar se në muajt në vijim do të vijojë me masa shtesë për të rritur mbikëqyrjen, përmirësuar mekanizmat institucionalë dhe lehtësuar përmbushjen vullnetare të detyrimeve tatimore. Po ashtu, institucionet relevante do të fokusohen në implementimin e projekteve të reja dhe reformave që synojnë forcimin e disiplinës tatimore dhe përmirësimin e ambientit të të bërit biznes në Kosovë./Katror.info
Përgatiti:
