Regjisori 68-vjeçar tha se kohëzgjatja e filmit të quajtur “Avatar: The Way Of Water” ishte për shkak të theksit të karakterit të vazhdimit.
“Qëllimi është të tregojmë një histori jashtëzakonisht bindëse mbi baza emocionale”, tha Cameron në një intervistë për revistën “Total Film”, shkruan DailyMail.
“Unë do të thoja që theksi në filmin e ri është më shumë te karakteri, më shumë te historia, më shumë te marrëdhëniet, më shumë te emocionet. Ne nuk kemi shpenzuar aq shumë kohë për marrëdhëniet dhe emocionet në filmin e parë sesa në filmin e dytë, dhe është një film më i gjatë, sepse ka më shumë personazhe. Ofrohen më shumë storie”, shtoi ai.
Mundesh me e lexu edhe...
“Avatar 2” tregon historinë e Jake Sully [rol i luajtur nga Sam Worthington] dhe Neytiri [rol i luajtur Zoe Saldana] të cilët pasi ranë në dashuri në pjesën e parë, tani kanë pesë fëmijë.
“Njerëzit thonë, ‘O Zot, një histori familjare nga Disney? Bash ajo që duam’. Kjo nuk është ajo lloj historie familjare. Kjo është një histori familjare sikurse The Sopranos që është një histori familjare”, sqaroi Cameron.
Zoe, 44 vjeçe, dhe aktori australian Sam, 46 vjeç, komentuan gjithashtu dinamikën e re të familjes në filmin që do të publikohet së shpejti.
“Kur ke fëmijë dhe kujdesesh për mirëqenien e tyre, ti zhytesh në emocione,” tha Zoe.
Marrëdhënia e tyre testohet nga fëmijët e tyre dhe sfidohet edhe më shumë nga kthimi i Administratës së Zhvillimit të Burimeve (RDA) për të shfrytëzuar oqeanet e Pandorës.
“Avatar: The Way Of Water” është planifikuar të shfaqet në kinema më 16 dhjetor. “Avatar 3” ka përfunduar xhirimet kryesore dhe është planifikuar të dalë më 20 dhjetor 2024. Vazhdimet e mëvonshme janë planifikuar të dalin në dhjetor 2026 dhe dhjetor 2028.
Filmi “Avatar” i vitit 2009 u bë filmi me fitimet më të larta të të gjitha kohërave dhe ka fituar 2.9 miliardë dollarë./Katror.info
Përgatiti:
