Banka Qendrore e Republikës së Kosovës (BQK) ka njoftuar se Këshilli Drejtues i Bankës Qendrore Evropiane (BQE) ka miratuar vazhdimin e Linjës REPO për BQK-në deri më 31 janar 2027. Ky vendim vjen pas kërkesës së BQK-së më 25 nëntor 2024 për vazhdim të marrëveshjes, e cila ishte para skadimit të linjës së mëparshme, shkruan Katror.info.
“Kushtet e vazhdimit të linjës së BQE janë pranuar nga BQK-ja me Letër Konfirmimin e datës 29 janar 2025, pas kërkesës së BQK-së të datës 25 nëntor 2024 për vazhdim, dhe para skadimit të marrëveshjes së mëparshme”, thuhet në njoftimin e BQK-së.
Linja REPO, e cila ofron një shumë maksimale prej 100 milionë euro, do të sigurojë një masë shtesë parandaluese për të adresuar nevojat e mundshme të likuiditetit dhe për të ruajtur stabilitetin e sistemit financiar të Kosovës.
Mundesh me e lexu edhe…
BQK nuk e ka shfrytëzuar ende këtë linjë, por e konsideron këtë instrument si një mjet të rëndësishëm për ruajtjen e stabilitetit monetar dhe financiar, sidomos në kontekstin e pasigurisë globale dhe rreziqeve të mundshme për ekonomitë botërore./Katror.info
Përgatiti:
