Barcelona ka vendosur ta bllokojë përkohësisht Lamine Yamalin nga paraqitjet publike dhe intervistat pas polemikave të fundit që shpërthyen pas El Clasicos.
17-vjeçari shkaktoi reagime të forta para ndeshjes kundër Real Madridit, kur në një emision deklaroi se “Reali vjedh dhe ankohet”. Pas fitores së Realit 3-1, lojtarët madrilenë, mes tyre Carvajal dhe Vinicius Junior, iu përgjigjën me gjeste ironike ndaj Yamalit në fund të ndeshjes.
Shoku i tij te Barcelona, Raphinha, e kritikoi publikisht duke thënë: “Ai është ende i ri dhe i mungon pjekuria. Fjalët e tij i dhanë Real Madridit motivim shtesë.”
Mundesh me e lexu edhe…
Për shkak të situatës, klubi katalanas ka anuluar një aktivitet promovues të planifikuar me kompaninë OPPO dhe gjithashtu një intervistë të parashikuar me “Sky Italia”. Sipas gazetarit Victor Nahe, drejtuesit e Barcelonës i kanë kërkuar agjentëve të Yamalit që ta mbajnë atë larg mediave për momentin.
Ndërkohë, portieri Inaki Pena, aktualisht te Elche, ka folur me fjalë të mira për talentin e ri, duke e krahasuar me Lionel Messin dhe duke thënë se “është ndryshe nga të gjithë të tjerët”./RTV21/Katror.info
