Komisioneri për Tregtinë në Bashkimin Evropian, Marosh Shefqoviq, ka deklaruar të martën se blloku evropian po “punon maksimalisht” për të siguruar marrëveshje tregtare me Shtetet e Bashkuara të Amerikës, ndonëse është i gatshëm të kundërpërgjigjet në rast se bisedimet s’janë frytdhënëse, ka raportuar The Guardian.
Shefqoviq ka thënë para Parlamentit Evropian se BE-ja është duke vazhduar “të angazhohet ngushtë me homologët amerikanë sa u përket tarifave të vendosura mbi mallrat evropiane”.
“Dua t’iu siguroj që ne po angazhohemi maksimalisht për të siguruar një marrëveshje të drejtë dhe zgjidhje e negociuar me përfitim të ndërsjellë, por ne duhet të jemi të përgatitur për të gjithë skenarët dhe të jemi gati për ta ribalancuar situatën nëse është e nevojshme”, ka deklaruar Shefqoviq.
Mundesh me e lexu edhe…
Zyrtarët e BE-së kanë thënë që një kohë të gjatë se preferojnë arritjen e marrëveshjes, mirëpo kanë këmbëngulur se janë të gatshëm “ta ribalancojnë” me vendosjen e kundërtarifave mbi mallrat amerikane nëse bisedimet nuk janë të suksesshme.
Blloku i 27-vendeve anëtare kishte pezulluar tarifat që kishin për cak mallrat amerikane në vlerë prej 21 miliardë dollarësh, për t’i dhënë mundësi bisedimeve të tanishme.
Krahas kësaj, është duke përgatitur gjithashtu tarifa që godasin eksportet e tjera amerikane në vlerë prej 95 miliardë dollarësh, megjithëse shifra totale mund të jetë akoma e më e ulët, në qoftë se dakordohet ndonjëherë. /Koha.net/Katror.info
Përgatiti:
