Në një ceremoni solemne të mbajtur në sallën “1 Tetori” në Prishtinë, u diplomua gjenerata e re e oficerëve doganorë, ngjarje që përkoi me shënimin e 26-vjetorit të themelimit të Doganës së Kosovës, shkruan Katror.info.
Eva Palatova, ushtruese e detyrës së shefit të Zyrës së Bashkimit Evropian në Kosovë, përgëzoi doganierët e sapodiplomuar dhe vlerësoi progresin e arritur nga Dogana e Kosovës në reformimin e praktikave të rekrutimit dhe të operacioneve. Ajo theksoi se ky institucion, i cili mbledh 65.5% të të ardhurave tatimore të vendit, ka një rëndësi të veçantë për stabilitetin financiar të Kosovës.
Sipas saj, falë ndihmës teknike të BE-së, Dogana po shndërrohet në një organizatë më efikase, transparente dhe moderne, e gatshme për sfidat e së ardhmes.
Mundesh me e lexu edhe…
Edhe kryeministri në detyrë, Albin Kurti, përgëzoi kadetët për diplomimin dhe vlerësoi punën e Doganës së Kosovës si një nga institucionet kyçe të vendit.
“Përgëzoj punonjësit e Doganës për rezultatet dhe punën me integritet e profesionalizëm. Falënderoj edhe partnerët ndërkombëtarë për ndërtimin e këtij institucioni”, u shpreh Kurti./Katror.info
