Sot, 27 përfitues të granteve prej Skemës së Qelizave të Reja (YCS) të bashkëfinancuar nga BE-ja dhe Qeveria e Kosovës, të sapo kthyer nga studimet master në universitete në mbarë BE-në, u pranuan zyrtarisht në administratën publike të Kosovës, njofton Zyra e Bashkimit Evropian në Kosovë.
Ambasadori i BE-së në Kosovë, Aivo Orav, iu bashkua Zëvendëskryeministrit në detyrë, Besnik Bislimi, Zëvendësministrit në detyrë të Punëve të Brendshme, Bardhyl Dobra, dhe anëtarëve të Shoqatës së Alumni-ve të YCS-së për t’i përgëzuar të diplomuarit e rinj në programet master dhe për të theksuar rëndësinë e reformës së administratës publike, rekrutimit në baza meritore, përfaqësimit të barabartë multi-etnik në kuadër të administratës dhe ngritjes së kapaciteteve për rrugën e anëtarësimit të Kosovës në BE.
Të diplomuarit tani do të fillojnë t’i aplikojnë shkathtësitë e rritura dhe përvojën e tyre për t’i shërbyer shoqërisë së Kosovës, duke kontribuar në një administratë publike më transparente, efiçiente dhe profesionale, thuhet në njoftim./Katror.info
