Bashkimi Evropian ka bërë një përmbledhje vizitës së Përfaqësueses së Lartë të BE-së, Kaja Kallas, të cilën ajo e zhvilloj gjatë ditës së djeshme dhe sot.
Përmes një postimi në rrjetin social Facebook, theksohen takimet që Kallas ka pasur, duke filluar nga shefi i zyrës së BE-së, Aivo Orav, si dhe me kryeministrin në largim Albin Kurtin, dhe liderët e partive politike, shkruan Katror.info.
Po ashtu, në njoftim theksohet edhe deklarata e Kallas për rrugën e Kosovës dhe të Serbisë për një të ardhme të sigurt.
Mundesh me e lexu edhe…
‘‘Stabiliteti varet nga dialogu, jo nga konfrontimi”, citohet te ketë thënë Kallas.
Kjo ka qenë edhe vizita e parë e Kallas në Kosovë, ndërsa e dyta në rajonin e Ballkanit Perëndimor.
Postimi:
Nga data 22 deri më 23 maj, Përfaqësuesja e Lartë e Bashkimit Evropian për Punët e Jashtme dhe Politikën e Sigurisë.
Nënkryetarja e Komisionit Evropian, Kaja Kallas, vizitoi për herë të parë Kosovën, si pjesë e vizitës së saj të dytë në Ballkanin Perëndimor.
Në Prishtinë, ajo u prit nga Shefi i Zyrës së BE-së në Kosovë, Ambasadori Aivo Orav. Gjatë një konference për shtyp, Kallas theksoi rëndësinë strategjike të Ballkanit Perëndimor për BE-në, duke nënvizuar se normalizimi i marrëdhënieve ndërmjet Kosovës dhe Serbisë është rruga e vetme drejt një të ardhmeje më të sigurt dhe më të begatë për popujt e këtij rajoni. “Stabiliteti varet nga dialogu, jo nga konfrontimi”, tha ajo.
Gjatë kësaj vizite dyditore, Përfaqësuesja e Lartë zhvilloi bisedime konstruktive me Kryeministrin në largim dhe liderët e partive kryesore politike në Kosovë. Zonja Kallas gjithashtu u takua dhe dëgjoi përfaqësues të shoqërisë civile.
Ajo u prit gjithashtu nga Komandanti i KFOR-it, Gjeneralmajor Enrico Barduani.
Ditën e dytë të vizitës, ajo u prit nga Shefi i Misionit të EULEX-it, Giovanni Pietro Barbano, në Qendrën e EULEX-it në Mitrovicë.
Për të përmbyllur vizitën, Kallas vizitoi Gjykatën Themelore të Mitrovicës dhe u takua me përfaqësues nga sektori i arsimit.
Përgatiti:
