Bebe Rexha më në fund ka publikuar albumin e saj të tretë në studio, të titulluar “Bebe”. Këngëtarja dhe kantautorja u shfaq në rrjetet sociale për të ndarë lajmin dhe për të zbuluar veprën artistike.
Disa javë përpara se të shpallte albumin e saj të ardhshëm, Rexha publikoi këngën kryesore nga projekti – ” Zemra kërkon atë që do”, e cili ofron atmosferë pop dhe disko.
Në fillim të shkurtit, ajo zbuloi se çfarë mund të pritet nga epoka e saj e re.
Mundesh me e lexu edhe…
“Është një shpërthim në vitet ’70. Unë jam rritur me prindër emigrantë, kështu që nuk kemi dëgjuar shumë muzikë të viteve ’70. Dëgjuam muzikë shqiptare dhe më pas bëra një zhytje të thellë në vitet ’70 dhe thashë: ‘Prit, Fleetwood Mac? Diana Ross? Çfarë po ndodh?’”
“Albumi ‘Bebe’ publikohet më datë 28 prill, e premte”, shkroi Bebe Rexha.
Për një kohë të gjatë e tërhequr nga skena muzikore, mesa duket teksa ka punuar për albumin e ri, Bebe Rexha pritet të rikthehet plot surpriza. E një prej tyre është bashkëpunimi me këngëtaren e famshme amerikane Dolly Parton.
E pyetur pak ditë më parë lidhur me një bashkëpunim të mundshëm, Bebe tha se do ta dëshironte një gjë të tillë. Por megjithëse “Jolene” nuk është pjesë e remiksit në albumin e ri, dy këngëtaret kanë sjellë në një duet këngën e re “Seasons”. /Katror.info
Përgatiti:
