Pas një pauze shtatëvjeçare, grupi legjendar Destiny’s Child u rikthye në skenë në një performancë të papritur gjatë finales së turneut “Cowboy Carter” të Beyoncé në Las Vegas, sipas raportimeve të mediave britanike.
Kelly Rowland dhe Michelle Williams iu bashkuan Beyoncé në një moment të veçantë që emocionoi fansat, duke interpretuar një kombinim të disa prej këngëve më të njohura të grupit, përfshirë “Lose My Breath” dhe “Bootylicious”.
Treshja u bashkua gjithashtu për një version special të këngës së Beyoncé të vitit 2022, “Energy”.
Mundesh me e lexu edhe…
Megjithëse grupi u shpërbë në vitin 2006, ato janë ribashkuar herë pas here në evente madhore, përfshirë Super Bowl 2013 dhe Coachella 2018. Kjo paraqitje në Las Vegas ishte performanca e tyre e parë e përbashkët pas disa vitesh mungesë.
Pas shfaqjes, Beyoncé publikoi një foto të trio-s në Instagram, pa asnjë përshkrim, duke lënë fansat të spekulojnë për një rikthim të mundshëm më të qëndrueshëm./Katror.info
