Çfarë mund të presësh nga Shqipëria? Gjithçka, nga Riviera e mrekullueshme shqiptare, Alpet, shtigjet, historia, një larmishmëri ekosistemesh gjeo-sociale.
Epo radha i ka ardhur edhe gjermanes Bild, tabloidit më të lexuar në Evropë, që ta radhisë Shqipërinë në majën e destinacioneve turistike 2025.
Kështu, duke treguar se fluksi i vizitorëve të huaj duket se nuk do të ndalet as gjatë këtij viti.
Mundesh me e lexu edhe…
“Shqipëria nuk është më një këshillë e vendalinjve, por në vitin 2025 do të bëhet një destinacion trend për kërkuesit e diellit dhe adhuruesit e plazhit. Riviera shqiptare tërheq vizitorët me ujin e pastër kristal, gjiret e vegjël dhe fshatrat simpatikë bregdetarë si Ksamili dhe Himara. Ndryshe nga rajonet e mbipopulluara të Mesdheut, këtu mund të gjeni ende plazhe të izoluara dhe të shijoni natyrën”.
Kështu shkruhet në një publikim nga Bild, ku ndër të tjera, mes destinacioneve më të mira, pasqyrohen edhe Azoret, Puglia, apo Liqeni i Ohrit në pjesën e Maqedonisë së Veriut.
Një pasazh të shkurtër ia ka kushtuar këtij artikulli edhe kryeministri, Edi Rama, i cili shkruan:
“Superpromovim ndërkombëtar mediatik nga tabloidi gjerman “Bild” që na rendit në krye të listës së destinacioneve për të udhëtuar gjatë këtij viti.
356 mijë vizitorë nga Gjermania kanë udhëtuar drejt Shqipërisë deri në nëntor, ndërsa po përgatitemi që gjatë muajit mars të prezantohemi si fytyra e ITB Berlin 2025, panairit më të madh në botë për turizmin”.
Ka mbetur vetëm të pritet bileta dhe të shijohet edhe një herë Shqipëria turistike e kësaj dekade./Katror.info
Përgatiti:
