Grupi legjendar britanik Oasis, që ka lënë gjurmë të pashlyeshme në muzikë me hite si “Wonderwall” dhe “Don’t Look Back in Anger,” ka njoftuar ribashkimin për një turne, duke i dhënë fund një periudhë të gjatë shkëputjeje. Turneu do të nisë më 4 korrik të vitit 2025 në Uells dhe do të përfundojë më 17 gusht në Dublin.
“Në fund, kjo është e vërteta. Po ndodh,”-njoftoi grupi në një postim në mediat sociale. Oasis u ndanë në vitin 2009 pas shumë vitesh grindjesh të brendshme mes dy vëllezërve Liam dhe Noel Gallagher, kur ky i fundit la grupin disa minuta përpara performancës në një festival afër Parisit.
Oasis flitet se do të shtojnë edhe më shumë koncerte në turneun e tyre 17-ditor të ribashkimit, në përpjekje për t’i bërë fansat e tyre të lumtur. Vëllezërit Gallagher po mendojnë të shtojnë më shumë koncerte në kuadër të turneut të verës së ardhshme, në mënyrë që fansat të mos zhgënjehen. Adhuruesit e muzikës mbetën të zemëruar me të kuptuar se biletat për 17 datat u shitën të gjitha brenda disa orësh, me një furie pritje në radhë për tetë orë, problemeve teknike dhe rritjeve tronditëse të çmimeve.
Mundesh me e lexu edhe...
Tani thuhet se vëllezërit Noel dhe Liam Gallagher po mendojnë të shtojnë më shumë data në turne. Gjatë ditës së djeshme u lëshuan për shitje 1.2 milion bileta. “Miliona fansa të grupit Oasis do të ndihen të zhgënjyer”, tha një burim për The Sun, në pamundësi që një pjesë e madhe mund të mos sigurojnë një biletë.
Edhe pse vëllezërit nuk kanë performuar së bashku që nga ndarja, ata kanë vazhduar të interpretojnë këngët e Oasis në koncertet e tyre solo. Në vitin 2019, Liam kishte shprehur dëshirën për të ribashkuar grupin, duke theksuar se për të më e rëndësishme ishte marrëdhënia me vëllain e tij sesa fitimi i parave. Ky turne mund të jetë një mundësi për Oasis që të ribashkohet dhe të ringjallë shpirtin e muzikës së tyre, duke e lënë pas të kaluarën dhe duke ofruar një përvojë të paharrueshme për fansat e tyre./Katror.info
Përgatiti:
