Ministria e Industrisë, Ndërmarrësisë dhe Tregtisë (MINT), përmes Agjencisë për Investime dhe Përkrahjen e Ndërmarrjeve në Kosovë (KIESA), ka ftuar bizneset kosovare që të marrin pjesë në aktivitetin biznesor “Match – Maker Albania 2025”, i cili do të mbahet më 27 mars 2025 në Tiranë, shkruan Katror.info.
Ky event organizohet nga Agjencia Shqiptare e Zhvillimit të Investimeve (AIDA) dhe synon të nxisë bashkëpunimin ekonomik dhe investimet mes bizneseve nga Kosova, Shqipëria dhe vende të tjera pjesëmarrëse. Pjesa kryesore e aktivitetit do të përqendrohet në takime B2B (business-to-business), duke krijuar mundësi të reja bashkëpunimi dhe zgjerimi të rrjeteve të biznesit.
Sektorët kryesorë që do të jenë në fokus janë:
Mundesh me e lexu edhe…
- Turizmi
- Patundshmëria
- Industria ushqimore dhe pijet
- Përpunimi i drurit dhe metaleve
- Bimët aromatike dhe mjekësore
Për të marrë pjesë, bizneset e interesuara duhet të aplikojnë deri më 16 mars 2025 përmes email adresës [email protected]. Detajet e aplikimit dhe informata shtesë mund të gjenden në uebfaqen zyrtare të KIESA-s: https://kiesa.rks-gov.net/page.aspx?id=2,134,922.
Sipas organizatorëve, shpenzimet e transportit për pjesëmarrësit nga Kosova do të mbulohen nga KIESA, ndërsa shpenzimet e akomodimit dhe të tjera operative do të mbulohen nga pjesëmarrësit vetë.
Ky aktivitet konsiderohet një mundësi e mirë për bizneset kosovare për të eksploruar tregje të reja dhe për të forcuar lidhjet ekonomike mes dy vendeve fqinje, duke kontribuar në zhvillimin ekonomik të rajonit./Katror.info
Përgatiti:
