Biblioteka Kombëtare të Kosovës “Pjetër Bogdani” dhe Agjencia Shtetërore të Arkivave të Kosovës kanë nënshkruar marrëveshje të bashkëpunimit.
“Me qëllim të fuqizimit të bashkëpunimit institucional, drejtoresha e përgjithshme e Bibliotekës Kombëtare të Kosovës, znj. Blerina Rogova Gaxha, dhe drejtori ekzekutiv i Agjencisë Shtetërore të Arkivave të Kosovës, z. Mehmed Xhemajli nënshkruan marrëveshjen e bashkëpunimit mes dy institucioneve,” thuhet në njoftimin e BKK, raporton Katror.info.
Prioritet i veçantë i kësaj marrëveshjeje është digjitalizimi i plotë i fondit të gazetës “Rilindja”, një ndër pasuritë më të çmuara të trashëgimisë dokumentare të Kosovës.
Mundesh me e lexu edhe…
“Ndër të tjera, marrëveshja synon të nxisë bashkëpunimin ndërmjet dy institucioneve për shkëmbim të koleksioneve, informacion bibliografik dhe njohuri teknike-teknologjike, digjitalizim dhe veprime kulturore/shkencore,” thuhet në njoftim./Katror.info
