Kombëtarja e Kosovës në futboll i nis ndeshjet kualifikuese në muajin shtator me dy ballafaqime shumë të vështira. “Dardanët” do të zhvillojnë dy ndeshjet e para në Grupin B për kualifikimet e Kupës së Botës 2026 kundër Zvicrës në udhëtim dhe pastaj Suedisë në stadiumin “Fadil Vokrri” në Prishtinë.
Analistë e njohës të futbollit konsiderojnë se niveli dhe cilësia e skuadrës së Kosovës është rritur dhe ka optimizëm, por duhet pasur parasysh edhe faktin se rivalët e grupit (Zvicra, Suedia dhe Sllovenia) janë tejet të vështirë për t’i mposhtur.
Trajneri dhe analisti Bylbyl Sokoli thotë për KosovaPress, se Kosova duhet të kërkojë rezultat pozitiv në ndeshjen e parë kundër Zvicrës në mënyrë që pastaj motivimi për ndeshjen ndaj Suedisë në Prishtinë të jetë në nivelin më të lartë.
Mundesh me e lexu edhe…
Komentatori i sportit, Arbër Loxha, ka kërkuar që të ruhet realizmi përballë rivalëve të grupit, duke theksuar se Kosova është ende në një proces zhvillimi.
Nga ana tjetër, Kushtrim Krasniqi nga Komiteti Olimpik i Kosovës, ka theksuar se pritshmëritë duhen parë në një plan më afatgjatë, duke i dhënë më shumë rëndësi përgatitjeve për të ardhmen.
Fillimisht Kosova luan si mysafire kundër Zvicrës, më 5 shtator në Bazel dhe më pas në “Fadil Vokrri”, kundër Suedisë. Dardanët synojnë të japin maksimumin në këto dy ballafaqime për të nisur mbarë këtë cikël kualifikues./KP/Katror.info
Përgatiti:
