Një kopje e rrallë e traktatit të famshëm të Machiavellit ishte në një bibliotekë italiane deri në mesin e shekullit XIX dhe kaloi nëpër duar para se blihej nga një koleksionist anglez. Është botim i vitit 1532, i mungon faqja e parë dhe ka një arsye për këtë. Do të nxirret në ankand në Londër dhe çmimi i shitjes pritet të tejkalojë 350 mijë euro, shkruan KOHA.
Diplomati i Rilindjes italiane, Niccolo Machiavelli, është shndërruar në sinonim të intrigave delikate. E tash, botimi i parë jashtëzakonisht i rrallë i veprës që ia dha famën, “Princi”, do të dalë në ankand, me një çmim të pritshëm: 375.000 dollarësh. Kopja e librit e fillimshekullit XVI është një nga 11 botimet e para të njohura deri më tash, ka njoftuar sipas shtëpia e ankandeve, “Sotheby’s”. Të gjitha të tjerat qëndrojnë në bibliotekat institucionale, kryesisht në Itali. Ky botim është i jashtëzakonshëm edhe për faktin se deri vonë ishte i panjohur.
“Nuk ishim në dijeni të ndonjë kopjeje tjetër që posedohej nga dikush, e jemi të sigurt se është kopja e parë që del në ankand në dekadat e fundit”, ka deklaruar për CNN, Gabriel Heaton, ekspert i vlerësimit të librave dhe veprave të vjetra që dalin në ankandin botëror “Sotheby’s Books & Manuscripts”. “Pra, posedojmë një nga veprat e mëdha të teorisë politike të të gjitha kohërave, një nga librat më të famshëm të shekullit XVI dhe është një botim i parë e mundësi unike që një kopje e tillë të dalë në ankand”, ka shtuar ai.
Mundesh me e lexu edhe…
Heaton ka thënë se shtëpia e ankandeve është e kënaqur dhe e emocionuar për të ofruar librin tepër të rrallë në “Sotheby’s” në Londër, në ankandin që nis më 28 nëntor dhe zgjat deri më 12 dhjetor. Ai e përshkroi kopjen e “Princit” si shumë interesante.
Megjithatë, njohësi i ankandeve ku shiten librat e vjetër di edhe për një botim të dytë të Machiavellit, “Historitë e Firencës”.
Pos si shkrimtar, Machiavelli ishte edhe diplomat që ka shërbyer në qeverinë e Firenzes, derisa republika asokohe u përmbys nga familja Medici, më 1512. Ai e shkroi “Princin” më 1513, pasi u burgos nën dyshimin për komplot dhe u zhvendos në pronën e babait të tij, në bashkinë San Cascianos.
Traktati politik, kushtuar sundimtarit fiorentinas, Lorenzo di Piero de Medici, ka qarkulluar si dorëshkrim para vdekjes së Machiavelli në vitin 1527. Shtatë dorëshkrime, disa prej të cilave janë shkruar nga ish-miku i tij, Biagio Buonaccorsi, dihet se janë botuar pas vdekjes së tij dhe para vitit 1532. Gati 15 botime kanë qarkulluar para se kisha katolike ta ndalonte veprën duke e futur në listën e librave të ndaluar, në vitin 1559. Lista e Librave të Ndaluar pamundësonte qarkullimin e librave që konsideroheshin të rrezikshëm për besimin dhe moralin e katolikëve romakë.
Teksti u botua sërish, shtatë dekada më vonë.
Kopja që nxirret në ankand, ishte në një bibliotekë italiane deri në mesin e shekullit XIX dhe kaloi nëpër duar para se blihej nga një koleksionist anglez. Është e vitit 1532.
“Faqja ku figuron titulli është hequr, ndoshta për të anashkaluar konfiskimin nga autoritetet”, ka bërë me dije shtëpia e ankandeve, duke e përshkruar atë si provë materiale e librit të ndaluar.
“Teksti i famshëm i Machiavellit i këshillon princat të mësojnë të mos jenë të mirë, por të veprojnë sipas nevojës – duke u arratisur nga idealet utopike dhe të mënyrës se si janë njerëzit dhe bota. Machiavelli është shkrimtar që ka intriguar njerëz qëkur u shkrua libri. Ai jep pamje shumë të qartë të natyrës së pushtetit politik dhe veçanërisht mënyrën se si pushteti politik ushtrohet në kohë turbulencash dhe pasigurie”, ka shtuar Heaton./Katror.info
Përgatiti:
