Imagjinoni të hiqni dorë nga çdo ndjenjë e hapësirës duke qëndruar brenda një zone me errësirë të thellë, të ndërprerë nga rrjete të pafundme drite dhe të pikëzuara nga tonet akustike në rritje dhe në rënie, duke ndryshuar perceptimin dhe vetëdijen e thellësisë.
Kjo përvojë është e mundur duke hyrë brenda një iluzioni pafundësie të quajtur “Light High”.
Duke përdorur mijëra LED dhe pasqyra, ujë dhe tinguj, instalimi i vlerësuar me çmime i artistes gjermane dhe dizajneres Jacqueline Hen synon të eksplorojë defektin midis analogut dhe digjitalit.
Mundesh me e lexu edhe…
“Pothuajse ndihet sikur hyn në Matrix”, ka treguar Hen për veprën e saj të artit, të cilën ajo po e shfaq në Festivalin vjetor të Dritës së Amsterdamit, ku më shumë se 20 ekspozita po ndriçojnë kanalet e famshme të qytetit deri më 21 janar 2024.
Hen fitoi Çmimin Ndërkombëtar të Artit të Dritës për instalimin e saj.
“Drita ju lejon të krijoni realitete të reja brenda një hapësire”, ka thënë Hen për CNN përpara festivalit.
“Për mua, është shumë interesante të eksperimentosh dhe hulumtosh perceptimin e realitetit dhe gjithashtu proprioceptimin, pra perceptimin e trupit në hapësirë”.
Krijimi i instalimit prej 60 metrash katrorë nuk ka qenë detyrë e lehtë.
“Gjithçka duhet të ndërtohet saktësisht dhe të nivelohet në mënyrë perfekte, sepse nëse pasqyrat janë një milimetër larg, nuk do të funksiononte”, ka treguar Hen.
“Duhet të jetë perfekt”.
Teksa i pëlqen i gjithë procesi i përgatitjes së elektronikës dhe saldimit, ndonjëherë mund të bëhet mjaft i përsëritur, ndaj e ka përshkruar atë si “mijëra hapa derisa në veprën përfundimtare të artit”.
Dritë si një portë për një botë tjetër
Artistja me bazë në Këln është e njohur për krijimin e përvojave të artit zhytës të bazuar në dritë.
Vitin e kaluar në Zvicër, ajo ekspozoi “Formation of the Sun” në Festivalin e Artit të Dritës Grindelwald.
Instalimi paraqiste një sferë të artë të fryrë 17 metra të bërë me fletë metalike holografike dhe të mbushur me mjegull dhe tinguj.
Ajo shpohet nga dy rreze të forta drite që përplasen në qendër të veprës dhe thyhet në të gjithë hapësirën nga objekte të pasqyruara, sikur “drita po e përkul hapësirën drejt qendrës së saj gravitacionale”.
Teoria e përplasjes se si u krijua galaktika shërbeu si frymëzim i saj.
“U përpoqa të krijoj këtë hapësirë zhytëse dhe gjithashtu emocionale që disi mjegullon kufijtë midis të menduarit mitik dhe atij shkencor”.
Artistja ka treguar se procesi i saj i të menduarit fillimisht fillon me perceptimin ndijor të një hapësire dhe mënyrën se si njerëzit do të lëviznin nëpër të, dhe më pas koncepti dhe teknikat rrjedhin prej andej.
Teksa Hen kurrë nuk kërkoi në mënyrë aktive një karrierë si artiste e dritës, ajo ka qenë gjithmonë e magjepsur nga të gjitha llojet e dritës.
Kur ishte në universitet, filloi të eksperimentonte me mediumin. Sot, ajo po nxit gjeneratën e ardhshme të stilistëve si asistent profesoreshë në Akademinë e Arteve Mediatike në Këln.
“Është një përgjegjësi e madhe për të krijuar një mjedis ku studentët ndjehen të lirë të eksperimentojnë, diskutojnë, vënë në dyshim status quo-në dhe ndjehen të sigurt për të shprehur mendimet e tyre”, ka thënë Hen.
Ndërkohë, ajo shpreson se puna e saj do të vazhdojë të ushqejë një ndjenjë të perceptimit të ndryshuar./Katror.info
Marrë nga “CNN”, përshtatur për “Albanian Post”.
Përgatiti:
