Më shumë se 260 monedha ari të lashta janë zbuluar nga një çift nën dyshemenë e kuzhinës së tyre dhe janë shitur për 754.000 paund në një ankand.
Koleksioni u fsheh brenda një tenxhereje nën dyshemenë e shekullit të 18-të të shtëpisë së çiftit i cili tash për tash është anonim, në Ellerby, East Yorkshire në vitin 2019, dhe daton nga viti 1610 deri në 1727, shkruan The Independent.
Thesari fillimisht u përkiste Fernley-Maisters, një familje në Hull e përfshirë në tregtinë balltike.
Mundesh me e lexu edhe…
Familja ishte e njohur për importimin dhe eksportin e lëndës drusore, minerale hekuri dhe qymyri, me disa anëtarë që më vonë shërbyen si deputetë të Parlamentit në fillim të viteve 1700.
Joseph Fernley dhe Sarah Maister u martuan në 1694 dhe jetuan në fshatin East Yorkshire. Paratë janë mbledhur nga çifti gjatë martesës së tyre.
Jozefi vdiq në vitin 1725, në moshën 76-vjeçare, ndërsa Sara vdiq në moshën 80-vjeçare në vitin 1745, me “rrethin e familjes që u shua menjëherë”. Spink & Son, ankandistët që shitën monedhat, e quajtën çmimin përfundimtar të shitjes “absolutisht të jashtëzakonshëm” dhe fillimisht u vlerësua nga 200,000 deri në 250,000 £.
Pasi tërhoqi vëmendjen mbarëbotërore, koleksioni iu shit dhjetëra blerësve në lote individuale nga ankandët në Londër, me një vlerë totale prej 754,000 £.
Shtëpia e ankandeve e quajti koleksionin “një nga rezervat më të mëdha të monedhave ari angleze të shekullit të 18-të të gjetura ndonjëherë në Britani”. Monedhat fituan interes global nga koleksionistët privatë në Amerikë, Evropë, Australi, Kinë dhe Japoni.
Drejtuesi i ankandit Gregory Edmund tha se thesari ishte “120 vjet histori angleze e fshehur në një tenxhere me të njëjtën madhësi si një kanaçe me gaz”.
Përgatiti:
