UEFA Champions League 2024-25 do të hyjë në një fazë të nxehtë të eliminimit direkt ku 16 ekipet e mbetura do të fillojnë garën drejt titullit kampion. Kjo e martë, 4 mars, do të vijë me katër duelet e para: Club Brugge – Aston Villa, Borussia Dortmund – Lille, PSV – Arsenal dhe Real Madrid – Atletico Madrid.
Pasi përfundoi raundi i play-off-it me eliminime dhe kualifikimi surprizuese, Champions League është gati për të nisur një raund të ri, atë të 16. Ndeshjet e para luhen sot dhe nesër, ndërsa ato të kthimit në javën pasardhëse, shkruan Albanian Post.
Ndeshja e parë e ditës do të jetë ajo mes Brugge-t dhe Villa-s, me duelin që zhvillohet në Belgjikë duke filluar nga ora 18:45.
Mundesh me e lexu edhe…
Brugge ishte ndër surprizat e këtij sezoni ne Champions, duke eliminuar Atalanta-n në raundin e play-off-it. Edhe Villa mund të cilësohet surpriz pasi ekipi i Unai Emery përfundoi në “top 8” në ligë.
Villa dhe Brugge do të takohen vetëm për herë të dytë në kompeticionet evropiane, ku takimi i tyre i vetëm i mëparshëm është zhvilluar në Champions League të këtij sezoni: skuadra belge fitoi 1-0.
Aston Villa është përballur pesë herë me kundërshtarët belg në kompeticionet evropiane, duke fituar vetëm një herë: 1-0 kundër Anderlecht në Kupën Evropiane në prill 1982.
Brugge ka fituar vetëm një nga 16 ndeshjet e fundit kundër klubeve angleze në të gjitha kompeticionet evropiane, duke pranuar 42 gola në këtë process. Suksesi i vetëm i skuadrës belge në këtë periudhë erdhi kundër Aston Villa-s 1-0 në fazën e ligës këtë sezon.
Kjo do të jetë ndeshja e parë me nokaut për Brugge-n kundër një klubi anglez në kompeticionet evropiane që nga humbja 1-6 nga Manchester United në raundin e 32-të të Europa League në shkurt 2020.
Aston Villa do të jetë skuadra e katërt e ndryshme që Emery ka drejtuar në fazat e eliminimit të Champions League, pas Valencia-s, PSG-së dhe Villarreal-it. Vetëm tre trajnerë e kanë arritur këtë me më shumë se katër klube: Carlo Ancelotti (6), Jose Mourinho (6) dhe Claudio Ranieri (5).
Duke filluar nga ora 21:00 do të zhvillohen tre takimet e tjera të ditës në Champions League: Dortmund – Lille, PSV – Arsenal dhe Real – Atletico.
Nënkampionet aktual të kompeticionit do të presin Lille-n në “Signal Iduna Park”, me vendasit që arritën në këtë raund pasi eliminuan Sporting-un ne play-off, teksa miqtë ishin surpriz pasi përfunduan në “top 8” gjatë fazës së ligës.
Dortmund dhe Lille do të takohen për herë të tretë në kompeticionet evropiane, pasi kanë barazuar (0-0, 1-1) dy ndeshjet e tyre të mëparshme në raundin e 16-të të Kupës UEFA në 2001-02.
Verdhezinjtë kanë përparuar vetëm në një nga katër ndeshjet e fundit me nokaut kundër klubeve franceze në kompeticionet evropiane, sezonin e kaluar, duke eliminuar PSg-në në gjysmëfinale.
Kjo do të jetë ndeshja e parë e Lille-s kundër një skuadre gjermane në fazën eliminatore të një kompeticioni evropian që nga finalja e Kupës Intertoto 2002, kur ata humbën 2-1 në dy ndeshjet ndaj Stuttgart-it (fitoi 1-0 në shtëpi, humbi 0-2 jashtë).
Lille ka fituar vetëm dy nga 11 takimet e mëparshme me klubet gjermane në kompeticionet evropiane. Një nga ato suksese vjen në përballjen e tyre më të fundit kundër kundër Wolfsburg-ut në Champions League në 2021 (3-1).
Borussia ka humbur vetëm një nga 16 ndeshjet e fundit në shtëpi në Champions League, kundër Barcelona-s dhjetorin e kaluar (2-3).
Gjermanët janë të pamposhtur në pesë ndeshjet e tyre të fundit në shtëpi në fazat eliminatore të kompeticionit, duke mbajtur portën e pastër në katër nga ato pesë ndeshje.
PSV-ja, një nga suprizat e sezonit, e cila eliminoi Juventus-in në play-off, do të presë në Eindhoven skuadrën e Arsenal-it, me këta të fundit që përfunduan në “top 8” gjatë fazës së ligës.
Arsenal-i është i pamposhtur në pesë ndeshjet e tij në shtëpi në kompeticionet evropiane kundër PSV-së, kundërshtarët më të shpeshtë të “Topçinjve” ndaj të cilëve nuk kanë humbur në shtëpi në këto turne.
Megjithatë, larg shtëpisë, “Topçinjtë” nuk kanë fituar asnjë nga katër ndeshjet e fundit kundër holandezëve dhe suksesi i vetëm i londinezëve daton në shtator 2002 (4-0 në Champions League).
Kjo do të jetë hera e dytë që Arsenal-i përballet me PSV-në në fazën eliminatore të Champions League, pasi u eliminua nga skuadra holandeze në raundin e 16-të të sezonit 2006-07 (0-1 jashtë, 1-1 në shtëpi).
Arsenal-i ka humbur vetëm një nga 14 ndeshjet e fundit kundër klubeve holandeze në Champions League (0-1 kundër PSV në 2007), edhe pse më shumë se gjysma e atyre ndeshjeve kanë përfunduar në barazim.
Londinezët janë përballur dy herë me PSV-në e Peter Bosz-it në Champions League, duke i mposhtur 4-0 në “Emirates” dhe duke barazuar 1-1 jashtë në fazën e grupeve 2023-24.
“Topçinjtë” kanë fituar secilën nga katër ndeshjet e fundit të Champions League, duke shënuar 13 gola dhe duke pranuar vetëm dy, dhe mund të bëjë pesë fitore radhazi në një sezon të vetëm për herë të parë që nga 2005-06 (5), viti në të cilin ata shënuan përfundimin e tyre më të mirë ndonjëherë në kompeticion (vendi i dytë).
Kryendeshja e ditës në Champions League do të jetë ajo mes Real Madrid-it dhe Atletico Madrid-it, dy ekipet gjigandë nga La Liga, të cilët përballen në mitikun “Bernabeu”.
Ky do të jetë takimi i 10-të ndërmjet Real Madrid-it dhe Atletico Madrid-it në Kupën e Evropës/ Champions League. Kjo është ndeshja më e luajtur në këto gara mes skuadrave të të njëjtit komb, së bashku me Chelsea – Liverpool.
Real dhe Atletico janë takuar në fazat e eliminimit të Kupës Evropiane/ Champions League në pesë sezonet e mëparshme (1958-59, 2013-14, 2014-15, 2015-16 dhe 2016-17, përfshirë finalet), me “Los Blancos” që eliminuan kundërshtarët e tyre në secilin prej atyre rasteve.
Në të gjitha garat evropiane, Atletico Madrid-i ka fituar dy ndeshjet e fundit kundër Real Madrid-it (2-1 në ndeshjen e dytë gjysmëfinale në 2016-17 dhe 4-2 në Superkupën UEFA në 2018).
Para këtyre ndeshjeve, Atletico kishte fituar vetëm një nga tetë ndeshjet e para kundër rivalëve të tyre të qytetit në Evropë.
Ky do të jetë sezoni i 12-të në të cilin Real Madrid-i është përballur me kundërshtarët spanjollë në fazat eliminatore të Kupës Evropiane/ Champions League, dhe ata janë eliminuar vetëm në dy raste të mëparshme, nga Barcelona (në raundin e 16-të në 1960-61 dhe në gjysmëfinale në 2010-11).
Real Madrid- ka humbur vetëm një nga 17 ndeshjet e fundit të UEFA-s me eliminim direkt në Champions League, dhe është i pamposhtur në nëntë prej këtyre ndeshjeve, që nga humbja e vetme në atë seri (0-4 nga Manchester City në gjysmëfinalet 2022-23).
Atletico ka humbur secilën nga tre ndeshjet e fundit jashtë në fazën eliminatore të Champions League (0-1 kundër Manchester City-t, 0-1 kundër Inter-it dhe 2-4 kundër Dortmund-it). Kjo është humbja e tyre më e gjatë jashtë fushe në fazën eliminatore të kompeticionit që nga 1959-1971.
Ndeshjet e kthimit të këtij raundi do të zhvilohen më 12 mars: Lille – Dortmund, Arsenal – PSV, Aston Villa – Club Brugge dhe Atletico Madrid – Real Madrid.
Katër përballjet e tjera të raundit të 16, të cilat do të luajnë ndeshjet e para të mërkurën janë: Feyenoord – Inter, Benfica – Barcelona, Bayern – Leverkusen dhe PSG – Liverpool. Në këtë rast ndeshjet e kthimit do të zhvillohen më 11 mars./Katror.info
Përgatiti:
