Kanali britanik Channel 5 po i kthehet nostalgjisë së viteve ’80 dhe po zhvillon një reality show të ri, të frymëzuar nga komedia klasike “Trading Places” e vitit 1983, me aktorët Eddie Murphy dhe Dan Aykroyd në rolet kryesore.
Sipas burimeve të The Sun, formati do të sjellë dy persona nga mënyra jetese krejtësisht të ndryshme, të cilët do të shkëmbejnë jetët e tyre për një periudhë kohe dhe do të provojnë të përballen me sfidat e njëri-tjetrit, nga puna, te jeta familjare, rutina, miqtë dhe madje edhe zakonet e gjumit.
Në filmin origjinal, personazhi i Murphyt, Billy Ray Valentine, një burrë pa fat që endet në rrugë, shkëmben jetën me Louis Winthorpe, një njeri i pasur në Wall Street, luajtur nga Aykroyd.
Mundesh me e lexu edhe…
“Ndërsa kjo ka jehonën e fortë të filmit të vitit 1983, ka gjithashtu një ndjesi retrospektive për më shumë se një arsye”, ka thënë një burim i afërt me produksionin për The Sun.
Burimi ka shtuar se formati u ngjan emisioneve të famshme britanike si “Wife Swap” apo “Faking It”, por me një nivel më të lartë sfide.
“Këtë herë ka një element konkurrence, sepse janë dy persona që përpiqen të shkëlqejnë në fushën profesionale të njëri-tjetrit”, ka thënë tutje burimi.
Shembujt e mundshëm përfshijnë një bankier që shkon të jetojë dhe punojë në një fermë, ose një shofer kamioni që përpiqet të bëhet violinist.
Ajo që e bën këtë format edhe më interesant është se konkurrentët nuk do të kenë asnjë informacion për profesionin apo stilin e jetës së personit tjetër përpara fillimit të xhirimeve. Ata do të jetojnë në shtëpinë e njëri-tjetrit, do të shoqërohen me miqtë dhe familjarët, do të angazhohen në hobet dhe zakonet e përditshme të personit tjetër.
Ndërkohë, aktori Aykroyd ka zbuluar vitin e kaluar se ka shkruar një trajtim për një vazhdim të filmit “Trading Places”, që do ta çonte historinë në Karaibe.
“E kam shkruar një version që zhvillohet në Karaibe, me Eddien në rolin e një miliarderi që merret me fonde investimi, i cili vjen të ndihmojë Louisin që përballet me një problem financiar. Ndoshta duhet t’ia dërgoj sërish atë skenar kompanisë Paramount. Tani kanë një administratë të re. Është një ide e mirë”, pati thënë ai në një intervistë për Collider./Koha.net/Katror.info
Traileri i filmit “Trading Places”:
Përgatiti:
