Çiklisti dhe ylli i rrjeteve sociale, Aurelien Fontenoy, është bërë atleti më i shpejtë që ka arritur ndonjëherë në katin e dytë të Kullës Eiffel në Francë me një biçikletë malore, ka njoftuar të premten kompania që menaxhon monumentin.
Fontenoy, të enjten, u ngjit në 686 shkallë të monumentit për të arritur në platformën e katit të dytë, që është edhe pika e fundit e arritshme me shkallë, duke vendosur një kohë rekord prej 12 minutash e 30 sekondash, sipas deklaratës së Société d’Exploitation de la Tour Eiffel, shkruan Bike Rumor, transmeton Katror.info.
Në total, Kulla Eiffel ka 1,665 shkallë, por ato që çojnë deri në majë nuk janë të hapura për shumicën e turistëve. Megjithatë, aty zhvillohet rregullisht edhe një garë vertikale e njohur si “Vertical Race”, ku atleti polak Piotr Lobodzinski ka arritur ta përshkojë gjithë distancën deri në majë në më pak se 8 minuta, ndërsa rekordin për femra e mban australiania Suzy Walsham, e cila e ka përfunduar garën në më pak se 10 minuta – të dy duke u ngjitur në këmbë.
Mundesh me e lexu edhe…
Pra, duket se ngjitja në këmbë mbetet ende mënyra më e shpejtë për të arritur majën, por ajo që bëri Fontenoy me biçikletë është një arritje e jashtëzakonshme. Thjesht të kesh qëndrueshmërinë për të ngjitur 686 herë radhazi me biçikletë është diçka vërtet mbresëlënëse! /Katror.info
Burimi: Bike Rumor
Përktheu dhe përshtati: Katror.info
