Revista “Travel” ka publikuar një listë të vendeve europiane që ofrojnë cilësinë më të lartë të jetesës, duke u fokusuar veçanërisht në balancën mes angazhimeve profesionale dhe jetës private.
Sipas këtij renditimi, Luksemburgu renditet i pari, i ndjekur nga Austria dhe Danimarka.
Kjo listë është hartuar duke marrë parasysh disa faktorë kyç, si numri i ditëve të pushimit vjetor, orët mesatare të punës, cilësia e gjumit, jetëgjatësia dhe kënaqësia e përgjithshme e jetës.
Mundesh me e lexu edhe…
Luksemburgu dominon kryesimin falë standardeve të tij të larta të jetesës dhe përfitimeve tërheqëse për punonjësit, shkruan Top Albania Radio.
Një nga avantazhet kryesore është sistemi që ofron pushime shtesë për punëtorët mbi moshën 55 vjeçare, duke u dhënë atyre deri në 36 ditë pushim me pagesë çdo vit.
Paga mesatare në Luksemburg është afërsisht 5,000 euro, dhe mbi dy të tretat e popullsisë kanë makinë, duke treguar për një stabilitet financiar të lartë.
Edhe pse ka vetëm 600,000 banorë, Luksemburgu është bërë simbol i cilësisë së jetesës në Europë.
Në vendin e dytë dhe të tretë renditen Austria dhe Danimarka, dy shtete që ofrojnë gjithashtu kushte të shkëlqyera jetese. Të dyja vendet sigurojnë një minimum prej 25 ditësh pushim vjetor dhe ofrojnë kushte të mira pune.
Ndërkohë, një tjetër element interesant është pozita e Shteteve të Bashkuara të Amerikës në këtë listë, ku ato renditen në vendin e 87-të.
Ky rezultat është i lidhur me mungesën e një ligji që garanton pushimet vjetore, një faktor që ndikon negativisht në mirëqenien e punonjësve, duke shkaktuar stres dhe pakënaqësi.
Ky renditje tregon qartë se Europa mbetet në krye përsa i përket ofrimit të kushteve që mundësojnë një jetë të balancuar dhe cilësore, duke theksuar rëndësinë e një marrëdhënieje të shëndetshme mes punës dhe jetës private. /Katror.info
Përgatiti:
