Pas një fillimi të ngjeshur të afatit kalimtar veror, Manchester City po përgatitet të bëjë spastrime në skuadër, duke u fokusuar si te lojtarët me përvojë, ashtu edhe te të rinjtë që kanë nevojë për më shumë minuta në fushë.
Pavarësisht investimeve mbi 200 milionë euro në dimër, sezoni i fundit u cilësua zhgënjyes për “Qytetarët”. Tani, drejtuesit synojnë të zvogëlojnë skuadrën dhe të riformatojnë ekipin për të ardhmen, shkruan Telegrafi.
Disa përforcime tashmë kanë mbërritur: Rayan Ait-Nouri, Rayan Cherki, Tijjani Reijnders dhe Marcus Bettinelli. Po ashtu, Sverre Nypan pritet të huazohet nga Rosenborg, ndërsa Claudio Echeverri mund të ndjekë të njëjtën rrugë.
Mundesh me e lexu edhe…
Lyon ka interes për të përfituar nga lëvizjet në City, ndërkohë që edhe mbrojtësit e rinj Vitor Reis dhe Jumah Bah priten të largohen, si pjesë e planeve për të liruar hapësira në skuadër.
Në listën e largimeve është edhe Jack Grealish. Pep Guardiola deklaroi se lojtari duhet të luajë më shumë, ndërsa interesimi nga Napoli, Aston Villa, Everton, Newcastle, Tottenham dhe Bayer Leverkusen është konkret. Megjithatë, paga e lartë e anglezit është një pengesë, ndaj po shqyrtohet edhe mundësia e huazimit.
Përveç tij, edhe emra si Kyle Walker dhe Kalvin Phillips janë të inkurajuar të kërkojnë skuadra të reja. City është gati të dëgjojë ofertat për ta, ndërsa situata mbetet e hapur për negociata.
Ndërkohë, Ederson, Stefan Ortega dhe Bernardo Silva, të gjithë me kontrata deri në vitin 2026 do të qëndrojnë edhe këtë sezon.
Megjithatë, vera pritet të sjellë ndryshime të mëdha në “Etihad”, me nëntë largime të mundshme në horizont./Katror.info
Përgatiti:
