Janë shpallur nominimet për Çmimet Tony 2025, ku disa aktorë të njohur të filmit dhe televizionit kanë marrë nominime për interpretimet e tyre në skenë.
Produksionet që kanë marrë më së shumti nominime (nga 10 secili) janë: “Buena Vista Social Club,” “Death Becomes Her” dhe “Maybe Happy Ending.” Pas tyre vijnë “Dead Outlaw,” “John Proctor is the Villain,” “Sunset Blvd.” dhe “The Hills of California” me nga 7 nominime, shkruan CNN, përcjell Katror.info.
George Clooney ka marrë nominimin e tij të parë ndonjëherë për një Çmim Tony në kategorinë aktori kryesor në një dramë, për interpretimin në “Good Night, and Good Luck,” një histori që ndjek intervistën historike të Edward R. Murrow (luajtur nga Clooney) me senatorin Joseph McCarthy. Ai do të përballet në këtë kategori me Daniel Dae Kim (“Yellow Face”), Cole Escola (“Oh, Mary!”), Jon Michael Hill (“Purpose”), Harry Lennix (“Purpose”) dhe Louis McCartney (“Stranger Things: The First Shadow”).
Mundesh me e lexu edhe…
Kategoria e aktores kryesore në një dramë është një nga më të mbushurat me yje këtë vit. Nominimet për herë të parë përfshijnë: Sarah Snook (“The Picture of Dorian Gray”), Sadie Sink (“John Proctor is the Villain”) dhe Mia Farrow (“The Roommate”), të cilat do të garojnë me emra të afirmuar të teatrit si Laura Donnelly (“The Hills of California”) dhe LaTanya Richardson Jackson (“Purpose”).
Çmimet Tony, të themeluara në vitin 1947, janë ekuivalenti teatral i Oscarëve dhe nderojnë ekselencën në shfaqjet e Broadway-t, duke përfshirë aktrimin, regjinë, skenografinë, muzikën dhe koreografinë.
Ceremonia e Çmimeve Tony do të mbahet më 8 qershor, me moderatore Cynthia Erivo../Katror.info
Përgatiti:
