Iniciativa CorrWatch ka shprehur shqetësimin për zhvillimet e fundit lidhur me pozitën e Kryeshefit Ekzekutiv në ndërmarrjet publike, veçanërisht në KEK dhe Trepça, ku këto pozita po mbahen nga ushtrues detyre. CorrWatch kërkon ndalimin e kësaj praktike për pozitat strategjike në ndërmarrjet publike të Kosovës.
Sipas organizatës, kjo praktikë po krijon probleme të mëdha për funksionimin e këtyre ndërmarrjeve dhe mund të dëmtojë ekonominë e vendit.
“Është e papranueshme që këto ndërmarrje, të cilat kanë rëndësi të madhe ekonomike dhe operojnë në sektorë kyç, të funksionojnë me ushtrues detyre”, tha CorrWatch, duke theksuar se pozitat si Kryeshefi Ekzekutiv kërkojnë një mandat të plotë për të udhëhequr dhe menaxhuar ndërmarrjen në mënyrë efikase.
Mundesh me e lexu edhe…
Në përputhje me Kodin e Etikës dhe Qeverisjes Korporative, Kryeshefi Ekzekutiv duhet të ketë përgjegjësinë për përcaktimin e strategjive dhe arritjen e objektivave të biznesit. Mungesa e një mandati të plotë ka ndikuar negativisht në performancën e këtyre ndërmarrjeve.
CorrWatch kërkon që të emërohen Kryeshef Ekzekutiv me mandat të plotë për të siguruar stabilitet dhe rritje të qëndrueshme për KEK dhe Trepçën.
Projekti CorrWatch zbatohet nga Group for Legal and Political Studies, Instituti GAP, dhe INDEP dhe financohet nga Ministria e Punëve të Jashtme, Komonuelthit dhe Zhvillimit përmes British Embassy Pristina./Katror.info
Përgatiti:
