Një hapësirë e re e mjaft e ngrohtë për të gjitha gratë e prekura nga kanceri i gjirit është hapur në kryeqytet. Është “Creative Space” që vjen me një ambient që mund të shfrytëzohet nga të gjitha gratë si mundësi e mirë për të mbështetur njëra-tjetrën. Përveç kësaj, ky vend do të përdoret edhe për workshope, aktivitete e ligjërata të ndryshme, shkruan Koha.net.
Gjithçka nisi nga festivali “Shliroj Cicat” në vitin 2021.
Përmes heqjes së sytjenave, “Creative Space” synon të japë mesazhin për rëndësinë që ka vetë ekzaminimi në zbulimin e hershëm të kancerit të gjirit.
Mundesh me e lexu edhe…
“’Shliroj Cicat’ ka filluar në vitin 2021 duke shënuar për herë parë në Kosovë ditën pa sytjena me një aktivitet më 13 tetor në muajin e kancerit të gjirit. Festivali ‘Shliroj Cicat’ kemi hy me qëllimin të jemi më tepër se festival, kemi hy si thirrje për ta dashur vetveten, për ta njohur vetveten, e pastaj për të bërë vetë ekzaminimin, duke qenë e shliruar prej sytjenave. Pastaj i kemi ftuar gratë që në mënyrë vullnetare t’i dorëzojnë sytjenat e tyre. Si hap i yni i parë me të vërtetë ka qenë inovatie, duke e ditur në çfarë mentaliteti jetojmë dhe e kemi ndier veten të rrezikuar nga ajo çfarë po bëjmë. Pavarësisht këtyre hendekëve ka qenë e kundërta e asaj që kemi pritur. Pavarësisht që kishim entuziastin, po atë ditë mblodhën 100 sytjena. Mesazhe pozitive prej grave. Përmes këtij festivali kuptuam se ‘Shliroj Cicat’ është i nevojshëm për shoqërinë tonë. Prej 100 sytjenave kemi arritur të riciklojmë 74 çanta që të gjitha kanë pasur karakter shitës, fond ky që u është dedikuar grave të prekura nga kanceri i gjirit”, thotë Ermira Murati, themeluese e “NGO Cicat”.
Ermira Murati thotë se duhet të përfshihen edhe burrat në fushatë.
“Në vitin 2023 kemi menduar të përfshijmë edhe burrat dhe të ngremë një hap më tepër festivalin duke e ditur që një përqindje e burrave preken nga kanceri i gjirit. Feedbeck ka qenë i mirë dhe në këtë mënyrë burrat kanë thënë se përmes këtij festivali kam kuptuar që edhe unë mund të prekem”, thotë Murati.
Në prag të muajit të ndërgjegjësimit, përveç fushatës së parvjetshme, “Creativ Space” këtë vit ka krijuar edhe një hapësirë të re për gratë.
Në këtë ambient të ngrohtë, këtu, gratë e prekura nga kanceri i gjirit mund të ndajnë historitë, duke ofruar edhe mbështetje për njëra-tjetrën.
“Ne po e quajmë edhe si shtëpi pasi ka funksione multidimensionale me idenë që mund të zhvillohet çdo gjë, workshop, aktivitete e ligjërata të ndryshme. Hapësira i ka dy qëllime, që ofron mbështetje për të prekurat nga kanceri i gjirit duke ndarë përvojat dhe duke mbështetur njëra-tjetrën. Ne kemi siguruar 4 makina të qepjes me idenë që të përdoret për krijimin e çantave dhe për të bërë edhe jastëk e sytjene për gratë e prekura nga gjiri. Gjithashtu kjo hapësirë ka funksionin t’ju shërbejë studentëve, ata mund ta përdorin këtë hapësirë për lexim, studim dhe janë falas brenda hapësirës. Ka lodra logjike që mund të grumbullohen në grup, libra psikologjikë”, tregon Murati.
Hapësira mund të shfrytëzohet çdo ditë nga ora 10:00.
“Hapësira ka me qenë e hapur për çdo ditë nga ora 10:00. Ideja është që mund të vijnë kurdo. Ne jemi duke e punuar një agjendë që do të kemi aktivitete të ndryshme duke filluar me trajnime për gratë e prekura nga kanceri i gjirit”, thotë Murati.
Gjatë krijimit të këtij vendi, kishin edhe sfida.
“Çdo gjë tjetër që kërkon angazhim, edhe kjo ka kërkuar angazhimin e saj, por ideja është se kemi qenë të vendosura ndaj asaj që dëshirojmë të sjellim dhe kemi kaluar çdo hendek që është shfaqur. Artistët vullnetarë kanë kontribuar në mure, i kemi pikturuar karriget, tavolinat. Gjithashtu, secili detaj që mund të duket që është i ngjyrosur, është i ngjyrosur. Hapësirat i kemi pasur të bardha dhe ka qenë sfiduese se si do ta rrumbullakonim në këtë mënyrë”, tregon Murati.
E tualetin e quajnë si tualeti më i veçantë në Kosovë.
“Ne tani jemi duke e shfrytëzuar këtë tualet dhe jemi duke e quajtur si aset pasi është tualeti më eiveçantë në Kosovë me gjasë. Janë gratë më të fuqishme, si prej fillimit të shkallëve e deri në këtë ambient”, thotë Murati.
E aktivitetet e festivalit vijnë më 11,12 dhe 13 tetor.
“Festivali ka edicionin e katër me shumë aktivitete, 11-13 tetor. Do ta kemi një panel në ditën e parë, pastaj do të kemi koncerte kryesore. Do të jetë pjesa e mbledhjes së sytjenave dhe dorëzimi i broshurave për mënyrën e vetë ekzaminimit”, tregon Murati.
Gjatë festivalit do të bëhet grumbullimi i fondeve përmes pijeve, shitjes së çantave, dhe të gjitha këto dedikohen për të prekurat nga kanceri i gjirit./Katror.info
Përgatiti:
