Cristiano Ronaldo dos Santos Aveiro ka lindur më 5 shkurt 1985 në Madeira, Portugali. I njohur zakonisht si Cristiano Ronaldo ose CR7, ai konsiderohet si një nga lojtarët më të mirë të kësaj gjenerate.
Ai e ka fituar Topin e Artë të FIFA-s pesë herë, dy Topa të Artë më pak se i madh Lionel Messi. I njohur për ritmin dhe fizikun e tij, Ronaldo luan në krahun e majtë, por mund të luajë edhe si sulmues. Ronaldo konsiderohet si një prej futbollistëve më të mirë të të gjitha kohërave.
Biografia
I lindur në rrethin Funchal të Sao Pedros, Ronaldo filloi të luante futboll me klubin lokal Andorinha FC në moshën 7-vjeçare.
Mundesh me e lexu edhe...
Ai nënshkroi me ekipin e të rinjve të kategorisë së parë Sporting CP në vitin 1997. Ai u diagnostikua me sëmundje të zemrës që mund të kishte ndërprerë karrierën e tij futbollistike kur ishte 15 vjeç.
Pas një operacioni të suksesshëm, ai filloi të luaj përsëri dhe u promovua në ekipin e parë në moshën 16 vjeçare. Ai u bë lojtari i parë që luajti për U16, U17, U18, ekipin B dhe ekipin e parë të klubit brenda në një sezoni.
Ronaldo bëri debutimin e tij për Sporting CP në Primeira Liga kundër Moreirense më 7 tetor 2002. Ai shënoi një dygolësh për Sportingun, ndeshje kjo të cilën skuadra e tij e fitoi me rezultat 3-0. Ai bëri 25 paraqitje dhe shënoi pesë gola për klubin në sezonin 2002-03.
Debutimi
Në një ndeshje miqësore midis Sportingut dhe Manchester United në gusht 2003, Ronaldo kontribuoi shumë për të ndihmuar klubin portugez të mposhtte United me rezultat 3-1. Ai i bëri përshtypje menaxherit Sir Alex Ferguson dhe lojtarëve të tjerë të United me ritmin e tij dhe aftësitë e driblimit.
Karriera ekipore
Ronaldo nënshkroi me klubin anglez Manchester United në vitin 2003 për një tarifë transferimi prej £12.24 milion, duke u bërë nënshkrimi i parë portugez për United dhe adoleshenti më i shtrenjtë në historinë e futbollit anglez.
Ai bëri debutimin e tij më 16 gusht 2003 kundër Bolton Wanderers në Premier League, kur ai hyri si zëvendësues për Nicky Butt. Ai mori duartrokitje dhe ovacion në këmbë pasi United fitoi 4-0. Më 1 nëntor 2003, Cristiano shënoi golin e tij të parë për klubin me një goditje dënimi në një fitore 3-0 kundër Portsmouth.
Ronaldo qëndroi në United për gjashtë vjet, gjatë së cilës kohë ai fitoi Topin e tij të parë Artë, pas sezoni të jashtëzakonshëm, kur shënoi 42 gola nga 49 paraqitje, duke fituar titullin e ligës së Anglisë, Kupën e Ligës, Champions League dhe titullin e Kampionit ekipor të Botës.
Ai ka shënuar 118 gola në 292 paraqitje për Manchester United.
Ngritja në lavdi
Ronaldo iu bashkua gjigantëve spanjollë Real Madrid në sezonin 2009/10 për një tarifë transferimi rekorde prej rreth 80 milionë £. Atij iu dha fanela me numrin 9 dhe bëri debutimin e tij në La Liga më 29 gusht 2009, kundër Deportivo La Coruna. Madridi fitoi 3–2 dhe Ronaldo realizoi një penallti. Ai vazhdoi formën e tij dhe shënoi në katër ndeshje radhazi.
Edhe pse Madridi nuk arriti të fitonte asnjë trofe gjatë sezonit 2009/10, Ronaldo shënoi 33 gola nga 35 paraqitje dhe përfundoi i dyti në FIFA World Football of the Year. Pasi mori fanellën me numrin 7 nga Raul para sezonit 2010/11, Ronaldo 53 gola nga 54 paraqitje, duke fituar për herë të dytë Këpucën e Artë të Evropës.
Sezonin pasues Ronaldo theu rekordin e tij paraprak, duke shënuar 60 gola. Paraqitjet e tij bënë që Reali Madridi fitojë La Liga me 100 pikë rekord pas katër vitesh. Ai shënoi 46 gola në ligë, duke shënuar kundër të gjitha 19 ekipeve të tjera gjatë gjithë sezonit.
Në sezonin 2012-13, Ronaldo shënoi 55 gola në po aq paraqitje. Ai fitoi Superkupën e Spanjës dhe përfundoi si i dyti pas Lionel Messit për Topin e Artë të FIFA-s.
Sezoni 2013-14 ishte një sezon i rëndësishëm për Ronaldon si dhe për Real Madridin, pasi Reali e fitoi për herë të dhjetë titullin e Kampionit të Evropës.
Ronaldo shënoi 69 gola në 59 paraqitje, e që njëkohësisht ishte sezoni më i mirë në karrierën e tij. Performanca e tij ndërkombëtare ishte gjithashtu mbresëlënëse, me hat-trick kundër Irlandës dhe Suedisë.
Paraqitjet e tij bënë që të fitonte trofeun e Topit të Artë të FIFA-s për herë të dytë. 17 golat e tij në Ligën e Kampionëve e bënë atë golashënuesin më të mirë për të tretin vit radhazi dhe ai fitoi çmimin e lojtarit më të mirë të UEFA-s.
Në sezonin 2014-15, Ronaldo fitoi Superkupën e UEFA-s dhe Kupën e Botës për Klube të FIFA-s, duke shënuar 61 gola në 54 paraqitje. Ai gjithashtu fitoi Topin e Artë të FIFA-s për herë të tretë. Ai e përfundoi Champions League me 10 gola, po aq sa kishin shënuar dyshja e Barcelonës, Messi dhe Neymar. Ai gjithashtu fitoi trofeun o golashenuesit më të mirë në Spanjë, Pichichi dhe për herë të dytë çmimin e UEFA Lojtari më i mirë në Evropë.
Real Madrid fitoi Ligën e Kampionëve për herë të 11-të gjatë sezonit 2015-16, duke kompletuar La Undecima, me Ronaldon që u bë golashënuesi më i mirë i të gjitha kohërave të kompeticionit.
Ai u bë golashënuesi më i mirë i të gjitha kohërave për Real Madridin në të njëjtin vit, duke përfunduar sezonin me 51 gola nga 48 paraqitje.
Në verën e vitit 2018, Ronaldo u largua nga Real Madrid për të nënshkruar me gjigantët italianë Juventus. Pasi kaloi tre vjet në Itali, ikona portugeze u rikthye në Old Trafford./Katror.info
Përgatiti:
