Qeveria daneze ka shpallur planet për të hequr taksën 25% mbi shitjen e librave, në përpjekje për të ndalur rënien e kulturës të leximit, veçanërisht tek të rinjtë.
Ministri i Kulturës, Jakob Engel-Schmidt, deklaroi për agjencinë e lajmeve Ritzau se vendimi është pjesë e një strategjie më të gjerë për të rikthyer kulturën e leximit në vend.
“Duhet të vëmë gjithçka në lojë nëse duam të ndalojmë krizën e leximit që për fat të keq është përhapur vitet e fundit“, tha ai, shkruan Positive News, përcjell Katror.info.
Mundesh me e lexu edhe…
Aktualisht, Danimarka ka normën më të lartë të taksës për librat në botë. Ndërkohë, vende të tjera si Mbretëria e Bashkuar i përjashtojnë librat nga TVSH-ja. Në Britani, kjo politikë ka sjellë një rritje të ndjeshme të shitjeve të librave – vetëm në vitin 2024 pati një bum në tregun letrar, me zinxhirin e librarive Waterstones që njoftoi hapjen e 10 dyqaneve të reja çdo vit.
Megjithëse disa studime paralajmërojnë se ndryshimi i vetëm i politikës fiskale nuk mjafton, heqja e taksës mbi librat në Danimarkë shihet si një hap i rëndësishëm drejt krijimit të një kulture më të fortë leximi./Katror.info
