Legjenda e Brazilit, Ronaldo do të martohet për herë të katërt në moshën 46-vjeçare, pasi i propozoi të dashurës së tij modele gjatë një ‘arratisjeje’ në Karaibe.
Ish-sulmuesi i Real Madridit dhe Interit, me partneren e tij, Celina Locks njoftuan fejesën e tyre me mesazhe romantike në rrjete sociale.
32-vjeçarja postoi unazën e saj për fansat në rrjetet e saj sociale dhe shkroi: “Po. pranoj përpara se të shtonte: “Të dua përgjithmonë”.
Mundesh me e lexu edhe…
Një nga personat e parë që uroi çiftin e lumtur, të cilët po pushojnë në Republikën Domenikane, ishte ish-bashkëshortja e Ronaldos, Milene Domingues.
Ronaldo u bë baba për herë të parë i djalit Ronald, i cili tani është një DJ 22-vjeçar, me Milene përpara se martesa e tyre katërvjeçare të përfundonte në shtator 2003.
Ai vazhdoi të martohej me modelen Daniella Cicarelli në shkurt 2005 në një kështjellë në Franca edhe pse më vonë doli se ata nuk u bënë zyrtarisht burrë e grua sepse asnjëri nuk kishte finalizuar shkurorëzimet nga partnerët e tyre të mëparshëm.
Dyshja u ndanë vetëm tre muaj pas ceremonisë luksoze të kështjellës që ata e cilësuan si një martesë zyrtare, me Daniella që më vonë pretendoi se ajo përfundoi sepse Ronaldo e kishte tradhtuar.
Pas përfundimit të marrëdhënies së tyre, ish-ylli i futbollit u martua me studenten e inxhinierisë Maria Beatriz Antony dhe çifti patën dy vajza – Maria Sofia, 14 vjeç dhe Maria Alice, 12 – gjatë marrëdhënies së tyre shtatëvjeçare.
Ronaldo ka qenë në lidhje me brazilianen Celina, e cila po ashtu edhe modele është një biznesmene e suksesshme, për shtatë vitet e fundit.
Ronaldo dhe Celina ende nuk kanë bërë të ditur se ku dhe kur do të martohen.
Kujtojmë që prej vitit 2019, Ronaldo mban postin e presidentit të Valladolid, skuadrës spanjolle, ndërkohë që vitin e kaluar mori edhe pronësinë e klubit brazilian Cruzeiro.
Përgatiti:
