Çdo vit në 14 qershor, në vende të ndryshme të botës kremtohet Dita Botërore e Dhurimit të Gjakut, një ngjarje e rëndësishme e cila shërben për të rritur ndërgjegjësimin rreth nevojës së produkteve të sigurta të gjakut, si dhe për të falënderuar të gjithë dhuruesit që me këtë gjest shpëtojnë jetë.
Gjaku është një pasuri e çmuar e jetës, si në ndërhyrje të planifikuara ashtu dhe në situata emergjence.
Ai ndihmon shumë pacientë që vuajnë nga sëmundje kërcënuese për jetën, të jetojnë më gjatë e me një cilësi më të mirë, gjithashtu ndihmon për kryerjen e trajtimeve mjekësore e ndërhyrjeve kirurgjike. Gjaku është jetësor në trajtimin e emergjencave të të gjitha llojeve si katastrofa natyrore, aksidente, konflikte me armë etj., dhe shpëton jetë në situata të caktuara gjatë kujdesit perinatal.
Jeta dhe shëndeti i miliona njerëzve preken nga fatkeqësitë çdo vit.
Dhurimi i gjakut është një akt i thjeshtë, por jetik, që shpëton mijëra jetë çdo ditë. Ai ndihmon pacientët që kanë nevojë për transfuzione gjatë operacioneve, aksidenteve, lindjeve apo trajtimeve për sëmundje të rënda si kanceri dhe sëmundjet e gjakut.
Dita Botërore e Dhurimit të Gjakut, e cila shënohet çdo vit më 14 qershor, synon të rrisë ndërgjegjësimin për nevojën e gjakut të sigurt dhe t’u shprehë mirënjohje të gjithë dhuruesve vullnetarë që me bujarinë e tyre japin shpresë dhe jetë. Kjo ditë është një kujtesë e fuqishme se secili prej nesh mund të bëhet hero për dikë tjetër – thjesht duke dhuruar gjak./Katror.info
Përgatiti:
