Prizreni ka mbledhur sot entuziastët e teknologjisë në festivalin tashmë tradicional, Digital Skills Festival i organizuar nga Parku i Inovacionit dhe Trajnimit – ITP Prizren me mbështetjen teknike nga FLOSSK.
Festivali i këtij viti iu kushtua edukimit dhe fuqizimit të pjesëmarrësve mbi konceptin “Tëin Transition” në rrugën drejt një bote të gjelbër dhe digjitale.
Ky festival ka bërë bashkë 10 universitete publike dhe private në një inkubator biznesi universitar, ndërsa të rinj të talentuar kanë shfaqur idetë e tyre inovative që kanë në fokus shfrytëzimin e teknologjisë për të promovuar një tranzicion të gjelbër dhe një të ardhme të qëndrueshme.
Mundesh me e lexu edhe…
Për tri ditë me radhë është organizuar edhe hackathoni IoT for Green Transition i organizuar nga FLOSSK dhe mbështetur nga IPKO. Nga idetë për shfrytëzimin e mbeturinave për prodhim të energjisë, deri te idetë për smart home për kursim të energjisë dhe ferma të mençura, të rinjtë e talentuar të ndarë në shtatë grupe kanë prezantuar para jurisë idetë e tyre kreative.
Fituesit e vendit të parë kanë zhvilluar prototipin e një shporte me sensorë.
Fituesit e vendit të parë janë shpërblyer me çmim monetar prej €1500, ndërsa vendi i dytë FieldInsights me 800 euro, dhe i treti SmartFarm me një çmim në vlerë prej 600 eurosh.
Drejtori i PKO-s, Andras Pali u shpreh i kënaqur për mbështetjen e të rinjve në shfaqjen e kreativitetit të tyre dhe theksoi se IPKO do të nxisë zhvillimin e tyre. Ai tha se IPKO i kushton rëndësi zhvillimit të qëndrueshëm dhe të ardhmes më të gjelbër.
“Besoj se të gjitha janë shumë të rëndësishme që ne të shkojmë përpara, që Kosova të shkojë përpara, dhe ne duam të shohim teknologjinë duke u përdorur për këto çështje”, tha ai, duke shtuar se dëshirojnë që ndërsa në IPKO duan gjithçka që është digjitale, në të njëjtën kohë duan që të jetë e qëndrueshme.
“Ne do të donim të shihnim një botë më të pastër, një botë më të bukur dhe për ne është shumë e rëndësishme që ne jo thjesht po e djegim botën tonë, por po e rikrijojmë me të rinjtë që kemi parë sot,” tha ai.
Ky event ofroi një mundësi për përmirësimin e aftësive në kodim, zgjidhjen e problemeve dhe punën në grup përmes sfidave praktike, pa harruar këtu edhe platformën për rrjetëzim profesional, duke iu mundësuar pjesëmarrësve të lidhen me kolegë, mentorë dhe liderë të industrisë, duke ndërtuar marrëdhënie profesionale të qëndrueshme dhe duke eksploruar mundësi të reja karriere.
Digital Skills Festival u organizua përmes komponentit #Digital4Business, i implementuar në kuadër të Qendrës për Transformimin Digjital të ITP-së, dhe bashkëfinancuar nga Bashkimi Evropian dhe Qeveria Gjermane./Katror.info
Përgatiti:
