Një sondë hapësinore që vëzhgon planetin nga orbita e Marsit ka regjistruar diçka që i ngjan shumë pemëve pranë polit verior të planetit të kuq.
A kanë mbaruar tashmë spekulimet për ekzistencën e jetës në Mars? Kjo është ndoshta ajo që shumë përdorues të internetit po pyesnin kur filluan të qarkullojnë foto të çuditshme të marra nga sonda hapësinore Mars Reconnaissance nga orbita e këtij planeti.
Pamjet e marra pranë polit verior të Marsit tregojnë struktura që ngjajnë shumë me pemët. Por kur shkencëtarët ekzaminuan fotot, të bëra në vitin 2010, ata zbuluan se ishte një iluzion optik.
Mundesh me e lexu edhe…
Poli verior i planetit të kuq është i mbuluar nga akulli i përhershëm i dioksidit të karbonit të ngrirë (i ashtuquajturi akull i thatë), ngjashëm me mënyrën se si akulli i ujit mbulon polet e Tokës.
Rreth Polit të ngrirë të Veriut në Mars është një “unazë” dunash që ngjajnë me dunat e rërës në shkretëtirat në Tokë. Ato janë të mbuluara me një shtresë të hollë pluhuri dhe copa akulli të thatë, shkruan portali space.com, përcjell Katror.info.
Ndërsa akulli i thatë fillon të shkrihet në kushte më të ngrohta, ai shtyn rërën e errët të bazaltit në sipërfaqen e dunave.
“Gjatë pranverës në Mars, dielli ngroh akullin dhe e bën atë të sublimohet drejtpërdrejt në avull, dhe gazi që rezulton heq pluhurin dhe grimcat përreth rërës dhe ekspozon rërën e errët të bazaltit,” shpjegoi Candy Hansen, një anëtare e Mars Reconnaissance të NASA-s Orbiter, ekip në Universitetin në Arizona.
Edhe pse këto “vija” të errëta na kujtojnë pemët, në realitet ato nuk janë të drejta, pra nuk “ngrihen” në ajër, por shtrihen në tokë. Vetëm truri ynë i interpreton ato në atë mënyrë, sepse fotografia me të vërtetë i kujton fotot e pemëve që ne njohim në Tokë.
Sa i përket pemëve apo formave tjera të jetës në Mars, deri më sot nuk ka asnjë provë të fortë për ndonjë lloj biologjie marsiane, të kaluar apo të tashme, bimë apo tjetër, shkruan space.com./Katror.info
Përgatiti:
