Dita finale e turneut Prishtina Open 2025, siç është pritur, ishte shumë e ngjeshur sa i përket numrit të madh të ndeshjeve por pati edhe shumë, shumë ndeshje të mira e interesante. Befasi e këndshme ishte prania e shikuesve, të cilët i mbushën shkallët e Palestrës së Pallatit të Rinisë në Prishtinë.
Paradite u luajtën ndeshjet për grup-moshën nën 11 vjeç. Te vajzat, E para doli Adena Berisha, e dyta Erina Vranofci, kurse e treta Sara Llapashtica.
Te djemtë, vendin e tretë e zuri, Denat Makolli pasi e mundi Arijon Krasniqin, kurse në finale, bullgari Boshkov e mundi maqedonin Parmaqki me 3:0 në seta.
Mundesh me e lexu edhe…
Te seniorët, 5 lojtare nga Kosova u renditën në mesin e 16 më të mirave: Taibe Ruli, Leoresa Imeri Shega Hashani, Edolinda Alimehaj dhe Lenë Osmani. Lenë Osmani arriti deri në gjysmëfinale ku u mund nga grekja Kontopoulou me rezultat të ngushtë edhe pse ishte duke fituar me 2:0 në seta. Lena në garë për vendin e tretë u ndesh me maqedonen Kovaçevska dhe pas një loje të mirë dhe fitores me 3:2 në seta, arriti të renditet e treta. Në finalen greke, fituese doli Mavra Kontopoulou 3:0 në sete.
Te seniorët gara në shortin kryesor pjesëmarrës kryesisht ishin nga shtetet tjera. Megjithatë, edhe lojtarët tanë zhvilluan ndeshje të mira, siç ishte rasti i Kreshnik Mahmutit i cili me 3:2 u mund nga Kazique Valois nga Brazili.
Në ndeshjen për vendin e tretë Leo Vekiq nga Kroacia e mundi grekun Georgios Kosmas me 3:2 në sete. Finalja solli përballë dy lojtarët më të mirë të këtij turneu, Aleksandër Çen nga Austria dhe Patrick Dzuba nga Polonia. Kampioni i edicionit të dytë të Prishtina Open doli Chen.
Organizatori, për fituesit ndau shpërblime në medalje e kupa, si dhe çmime në të holla. Vendi i parë te meshkujt fitoi 1500€, kurse te femrat 700€./Katror.info
Përgatiti:
