Muzika elektronike dhe ritmet që të ftojnë të kërcesh deri në mëngjes janë të garantuara këtë verë në Prishtinë, pasi DJ i shquar shqiptar me famë ndërkombëtare, Regard, është konfirmuar të jetë një nga talentet që do të zhvillojë një performancë në festivalin “Sunny Hill” këtë vit.
Njoftimi i festivalit në profilin zyrtar në Instagram dhe Facebook përmbante një mesazh plot entuziazëm për rikthimin e Regard në skenën e tij të atdheut.
“Gjithmonë të lumtur që DJ Regard performon në atdhe! Herën e fundit i vumë flakën skenës dhe mezi presim ta bëjmë përsëri. Shihemi se shpejti”, ishte postimi që paralajmëron një natë të paharrueshme për të gjithë adhuruesit e muzikës elektronike.
Mundesh me e lexu edhe...
Regard, i cili ka arritur famë ndërkombëtare me hitet e tij si “Ride It” dhe “Secrets”, është gati t’i japë jetë festivalit “Sunny Hill”, i cili tërhoqi vëmendjen botërore që nga krijimi i tij.
Festivali “Sunny Hill” në Prishtinë do të mbahet nga data 25 deri më 28 korrik në lokacionin e ri të quajtur “Sunny Hill Park”, duke ofruar një përvojë edhe më të gjallë dhe të mbushur me surpriza për pjesëmarrësit.
Evenimenti mbledh së bashku artistë të talentuar nga i gjithë spektri i zhanreve muzikore, duke krijuar një ambient të veçantë ku kultura, arti dhe muzika bashkohen të krijojnë një atmosferë të paharrueshme.
Me konfirmimin e Regard, fansat e tij dhe të festivalit kanë një arsye më shumë për të mos e humbur këtë spektakël të muzikës dhe të gjithë presin me padurim të dëgjojnë setin e tij që pa dyshim do të jetë plot energji dhe argëtim. /Katror.info
Përgatiti:
