Pas gati 10 vitesh në histori dashurie, Armina Mevlani dhe Shkëlzen Berisha u martuan sonte. Ishte vetë blogerja e famshme ajo që e zbuloi lajmin, rreth dy javë më parë.
Të pranishëm në dasmën e tyre janë rreth 300 persona. Dekori dhe të gjitha detajet e tjera janë përzgjedhur nga vetë çifti.
Festa që ka filluar në orën 17:00 po mbahet në një agroturizëm në Shijak.
Mundesh me e lexu edhe...
Vetë blogerja ka zbuluar disa detaje nga festa e dasmës së saj. Në fund të episodit të “Goca dhe Gra”, ku Armina është moderatore, ajo rrëfeu emocionet, ndërsa tha se më shumë do të flasë pas dasmës.
Gjatë bisedës, Dalina Buzi tha: “Javës tjetër do jesh si zonja Berisha, do na vish në studio”, ndërsa Armina u përgjigj duke thënë: “Jo, do të vij si zonja Mevlani. Do të vazhdoj të jem zonja Mevlani”.
Kështu ajo la të kuptohet se do të mbajë mbiemrin e saj edhe pas martesës, shkruan Panorama.
Më herët, Mevlani u shpreh se kanë zgjedhur pikërisht muajin shtator pasi u pëlqen vjeshta të dyve dhe ka mohuar se po bën një dasmë për arsye se po pret një fëmijë siç është përfolur.
“Muajin shtator e zgjodhëm për të bërë dasmën sepse na pëlqen vjeshta. Ne nuk e kemi planifikuar dasmën për të pritur një fëmijë. Gjithmonë kam dashur të kem dasmën para fëmijës, dua ta shijoj. Vjehrri im, Sali Berisha, është gjithmonë mbështetës dhe ka qenë në rregull me datën e dasmës. Menyja e dasmës do të jetë tradicionale. Në dasmë do të ketë të ftuar më pak se 300 persona, për disa detaje të dasmës më ka ndihmuar shumë edhe kunata, motra e Shkëlzenit, me të cilën kam marrëdhënie fantastike”,
tha Mevlani.Shkëlzeni dhe Armina kanë zgjedhur një dasmë tradicionale në çdo detaj të tyre. Menyja e përzgjedhur prej tyre është tradicionale shqiptare, madje edhe pijet do të jenë prodhim vendor. Është kjo mënyra që çifti ka zgjedhur për të promovuar edhe kulinarinë e vendit në ditën e tyre më të rëndësishme.
Moderatorja e njohur ka zgjedhur tre fustane për dasmën e saj. Teksa njëri është një krijim i Vivienne Westwood enkas për të.
Ndërkohë për 2 fustanet e tjerë, Armina ia ka besuar krijimit të stilistit shqiptar, duke vijuar kështu linjën e ‘Made in Albania’ në ceremoninë e saj.
Ceremonia mes miqve dhe të afërmve do të mbahet në ambientet e jashtme të resortit, ku çifti ka përzgjedhur edhe muzikë shqiptare për të festuar, duke preferuar që në ditën e tyre më të lumtur çifti të personifikohet edhe me shijen edhe traditën shqiptare.
Përgatiti:
