Pas pjesëmarrjes së saj të suksesshme në Japoni, Dr. Venera Berisha Muharremi vazhdon të jetë ambasadore e dijes dhe përkushtimit shkencor të Kosovës në arenën ndërkombëtare.
Kësaj radhe, rruga e saj profesionale e ka çuar në Rio de Janeiro, ku po përfaqëson vendin tonë në një nga ngjarjet më prestigjioze të mjekësisë – International Thyroid Congress (ITC).
Ky kongres, i cili mbahet çdo pesë vite, përfaqëson kulmin e shkëmbimit të dijeve dhe kërkimeve në fushën e tiroides, duke bashkuar ekspertë dhe studiues nga e gjithë bota.
Mundesh me e lexu edhe…
Në një postim në rrjetet sociale, Dr. Venera Berisha-Muharremi shprehu mirënjohjen e saj për këtë mundësi, duke theksuar se është e nderuar të prezantoj punimin e saj në këtë platformë globale me përfaqësim nga të gjitha kontinentet.
“Jam jashtëzakonisht e lumtur që jam pjesë e Kongresit më të madh botëror për Tiroiden – International Thyroid Congress, i cili mbahet çdo pesë vite dhe këtë vit organizohet në Rio de Janeiro, nga 18 deri më 22 qershor 2025”, shkroi ajo.
Edicioni i sivjetshëm po mbahet në Brazil, nga data 18 deri më 22 qershor 2025, dhe organizohet nën patronatin e katër shoqatave më të njohura në botë për tiroiden: American Thyroid Association (ATA), European Thyroid Association (ETA), Asia & Oceania Thyroid Association (AOTA) si dhe nga Latin American Thyroid Society (LATS).
Pjesëmarrja e Dr. Venera Berisha Muharremit në këtë platformë globale, jo vetëm si delegate por edhe si prezantuese e një punimi shkencor, është dëshmi e nivelit të lartë profesional që ajo përfaqëson.
Ajo i bashkohet zërave më të rëndësishëm të endokrinologjisë botërore, duke ndarë rezultatet e punës dhe hulumtimit të saj në një forum që mbledh mendjet më të ndritura të kësaj fushe.
Ky është një tjetër kapitull i ndritur në rrugëtimin profesional të Dr. Venera Berisha Muharremit, e cila me pasion, dije dhe përkushtim, po ndërton ura mes shkencës kosovare dhe botës.
Përveç angazhimeve shkencore, ajo ndau edhe një moment personal duke shijuar bukuritë natyrore dhe kulturore të Rio de Janeiros, qytetit mikpritës të këtij edicioni të Kongresit Botëror për Tiroiden. /Katror.info
Përgatiti:
