Kanë mbetur edhe pak ditë deri në datat zyrtare të edicionit jubilar të festivalit më të madh të teknologjisë në Ballkan, “DOKU.TECH”, i cili do mbahet më 27 dhe 28 maj në Pallatin e Rinisë në Prishtinë.
Tashmë është publikuar programi i plotë i folësve të këtij edicioni, me emra të njohur në botë nga fusha e teknologjisë, inovacionit dhe inteligjencës artificiale.
Ashtu siç është njoftuar paraprakisht, “DOKU.TECH” këtë edicion do të sjell fjalime speciale nga përfaqësues të OpenAi (ChatGPT), siç është fjalimi online i Mira Muratit – Shefe e Teknologjisë në “OpenAI” si dhe fjalimi i Pamela Mishkin – Anëtare e Stafit Teknik në “OpenAI”, e cila do jetë prezente edhe fizikisht në Pallatin e Rinisë.
Mundesh me e lexu edhe…
Në mesin e folësve të tjerë janë edhe:
Kasia Odrozek – Drejtore e Insights | Mozilla Foundation;
Fatos Ismali – Senior Data & Arkitekt i Zgjidhjeve IA në Microsoft, UK;
Ralph Talmont – Drejtor Kreativ & Zyrtar i Komunikimeve, Collectico / Themelues, Art in a Place of Work;
Paulina Chotrova – Themeluese dhe CEO e kompanisë softuerike PSK Group Lt;
Nikolay Chotrov – Inxhinier i Software & Hardware. Pronar i patentave të teknologjisë, eksplorues i teknologjisë së thellë, robotikës dhe protetikës;
Maciej Kuziemski – Drejtor Menaxhues i Filantropisë për Ndikim, iniciativë në Evropë Qendrore;
Jelena Memet – Feministe, aktiviste e paqes në Serbi dhe rajon. Themeluese i Programit Shkolla Feministe Pranverore, si dhe
Shermin Voshmgir – Autore e librit më të shitur “Token Economy” / Themeluese e Token Kitchen dhe BlockchainHub, Berlin.
Në agjendë janë të përfshira jo vetëm diskutime nga folës të shquar ndërkombëtarë, por dhe panele diskutimi, mundësi rrjetëzimi e punëtori të ndryshme të cilat aftësojnë të rinjtë kosovarë në fushën e teknologjisë duke eksploruar implikimet e inteligjencës artificiale.
Gjatë 10 viteve të fundit, “DOKU.TECH” ka arritur suksese të mëdha, nga pritja e folësve dhe sipërmarrësve të njohur deri te eksplorimi dhe sfidimi i implikimeve sociale të teknologjisë inovative dhe lidhja e Kosovës me kufijtë e inovacionit teknologjik ndërkombëtar. Duke bërë këtë, “DOKU.TECH” ka luajtur një rol jetik në formësimin e së ardhmes së industrisë së teknologjisë së Kosovës./Katror.info
Përgatiti:
