Në qytetin e Prizrenit, këtë vit u mbajt edicioni i 24-të i Festivalit të Filmit Dokumentar dhe të Shkurtër DokuFest, i cili përfundoi sonte me ceremoninë e ndarjes së çmimeve.
Festivali, i cili filloi më 1 gusht dhe zgjati deri më 9 gusht, solli tek adhuruesit e artit filma të shkurtër dhe dokumentarë nga mbarë bota.
Me temën “Endless Greed, Mental Void”, festivali shfaqi gjithsej 230 filma nga mbi 50 vende. Prej tyre, 100 filma garuan në kategori konkurruese, ndërsa 13 u shfaqën në seksionin e shfaqjeve speciale.
Mundesh me e lexu edhe…
Përveç shfaqjeve të filmave, festivali mirëpriti edhe koncerte dhe aktivitete të ndryshme kulturore. Ceremonia e mbylljes u mbajt në kinemanë verore mbi lumin Lumbardh, që kalon në qendër të Prizrenit.
Çmimet u ndanë si më poshtë:
- Çmimi i Shpërndarjes: Ndera – Endrit Qarolli
- Çmimi i Publikut: Palace of Youth – Maddie Gwin
- Çmimi për Filmin më të Mirë të të Rinjve: Coexistence My Ass – Amber Fares
- Përmendje e Veçantë e Jurisë Green Dox: May the Soil Be Everywhere – Yehui Zhao
- Çmimi Green Dox: Shifting Baselines – Julien Elie
- Çmimi i të Drejtave të Njeriut Dox: My Dear Theo – Alisa Kovalenko
- Çmimi për Filmin e Shkurtër më të Mirë: Blue Heart – Samuel Suffren
- Çmimi Ndërkombëtar për Dokumentarin e Shkurtër: We Were the Scenery – Christopher Radcliff
- Çmimi Ndërkombëtar për Dokumentarin e Gjatë: Action Item – Paula Ďurinová
- Përmendje e Veçantë për Dokumentarin e Shkurtër Ballkanik: Antigona – Ibër Deari & Mirsad Abazi
- Çmimi për Dokumentarin e Shkurtër më të Mirë Ballkanik: Merging Bodies – Adrian Paci
- Përmendje e Veçantë për Dokumentarin Ballkanik: Soil and Wings – Stefan Malešević
- Çmimi për Dokumentarin më të Mirë Ballkanik: A Strange Colour of Dream – Yasemin Akinci
- Çmimi Kombëtar: SOS – Anita Morina.
