Skitari i Kosovës, Drin Kokaj, ka përfunduar të premten renditjen e parë në garën e sllallomit të madh në Kampionatin Botëror në Saalbach, Austri, duke u renditur i 77-ti.
Ai përfundoi garën me kohën 1 minutë, 44 sekonda e 35 të qindëtat, dhe ishte për 23.25 sekonda prapa skitarit më të shpejtë në lëshimin e parë. Kokaj përfundoi pas Matteo Gianninit të San Marinos, i cili mbeti për 20.02 sekonda pas fituesit.
Përkundër performancës së tij, Kokaj nuk e siguroi të drejtën për të garuar në lëshimin e dytë, pasi vetëm 60 skitarët më të mirë janë të kualifikuar për këtë garë. Në garën kualifikuese të zhvilluar të enjten, Kokaj ishte më i miri nga tre skitarët kosovarë dhe fitoi të drejtën për të marrë pjesë në garën kryesore.
Mundesh me e lexu edhe…
Ndërkohë, skitaret tona u përballën me vështirësi në disiplinën e Sllallomit të Madh. Lirika Deva u rendit e 51-ta, Arba Pupovci e 63-ta, ndërsa Kiana Kryeziu nuk arriti të përfundojë lëshimin e parë. Asnjëra nga garueset tona nuk u kualifikua për lëshimin e dytë.
Megjithatë, ekipet kosovare do të kenë një mundësi tjetër për të garuar më 15 shkurt, kur skitaret do të përfaqësojnë Kosovën në disiplinën e Sllallomit (SL). /Katror.info
Përgatiti:
