Sipas raportimeve të mediave angleze, Dua Lipa dhe Callum Turner janë fejuar pasi aktori i bëri këngëtares shqiptare me famë botërore një propozim romantik gjatë Krishtlindjes. Çifti i lumtur, që ka qenë në lidhje për më shumë se një vit, u fejua pa bërë bujë dhe planifikon të festojë me miqtë dhe familjen në prag të Vitit të Ri.
Këngëtarja e njohur e hitit Levitating, 29 vjeç, dhe aktori i Fantastic Beasts, 34 vjeç, raportohet se janë “shumë të dashuruar”, ndërsa miqtë e tyre janë “jashtëzakonisht të lumtur” që Callum i propozoi.
Dua gjithashtu tregoi një unazë të madhe diamanti në gishtin e saj në një postim të fundit në Instagram, ku pozonte me një kurorë festive dhe çizme prej gëzofi Moon Boot.
Mundesh me e lexu edhe…
Një burim tha për The Sun: “Dua dhe Callum janë shumë të dashuruar dhe e dinë që kjo është përjetësisht. Ata janë fejuar dhe nuk mund të ishin më të lumtur.
“Dua ka pasur një nga vitet më të mira të karrierës së saj profesionalisht, dhe kjo është qershia mbi tortë. Callum është një mbështetje e fortë për Duan dhe ata formojnë një çift të mrekullueshëm. Familja dhe miqtë e tyre janë shumë të lumtur. Ka qenë një Krishtlindje e mrekullueshme për ta.”
MailOnline ka kontaktuar përfaqësuesit e Dua Lipës dhe Callum Turner-it për një koment.
Në postimin e saj të fundit, Dua nuk e përmbante dot buzëqeshjen teksa përqafohej me Callum-in, ndërsa pozonin për një selfie të ëmbël./Katror.info
Përgatiti:
