Ndërsa Prishtina ndjehet krenare me çikën e vet që e vendosi kryeqytetin në hartën globale të muzikës, vetë Dua Lipa, themeluesja e Sunny Hill Festival ka përzgjedhur fjalët më të mira për të përshkruar katër netët e magjishme që u përcollën me performanca spektakolare nga artistë ndërkombëtarë e të vendit.
Këngëtarja kosovare me famë ndërkombëtare, që bashkë me të atin Dukagjin Lipa themeluan dhe tash e organizojnë festivalin që e vuri Kosovën në hartën globale të muzikës, përmes një postimi në rrjetet sociale ka shkruar se edicioni i katërt i Sunny Hill Festival i mbajtur nga 25-28 korrik në Bërnicë, i ka lënë një “ndjenjë tejet të madhe krenarie.”
Ajo ka thënë se “festivali është rritur dhe bërë diçka më shumë nga sa mund të kishim ëndërruar ndonjëherë.”
Mundesh me e lexu edhe…
It seems we can't find what you're looking for.
Përmes një fotoalbumi në rrjete sociale, Dua u shpreh thellësisht mirënjohëse për atmosferën, kënaqësinë, respektin, krenarinë e emocionet që publiku muzikdashës i Sunny Hill ia dhuroi asaj dhe gjithë familjes.
“Kam aq shumë për të publikuar prej 4 ditëve të fundit në Sunny Hill Festival sa nuk di as nga t’ia filloj!! Ky edicion më la me një ndjenjë tejet të madhe krenarie pas kësaj fundjave të gjatë, sa emocionet nuk veniten fare!!! Nuk mund ta shpreh sa duhet gëzimin e pastër që jam dëshmitare e asaj që ky festival ka arritur përgjatë këtyre 5 viteve të fundit. Duke e parë atë tek rritet dhe bëhet diçka më shumë nga sa mund të kishim ëndërruar ndonjëherë. Për më tepër, është ta bëj këtë me krejt familjen time dhe të gjithë ekipin e “Republika Agency”, duke punuar kaq zellshëm gjatë gjithë kohës, ka qenë gjëja më emocionuese/e bukur/frymëzuese/energjetike/stresuese (nganjëherë), por gjëja më shpërblyese për të cilën jam shumë krenare të jem pjesë. Vërtet kërkohet një komunitet i tërë njerëzish punëtorë, dhe ne këtë e bëmë për qytetin tonë. Faleminderit të gjithëve që erdhët dhe na u bashkuat, të gjithë artistët dhe ekipet e tyre. Jemi shumë mirënjohës”, shkroi Dua Lipa, artistja jonë e njohur ndërkombtarisht.
Sunny Hill Festival, i cili është bërë një ngjarje e pritur me padurim në kalendarin muzikor të Kosovës, vazhdon të ofrojë mundësi unike për muzikantët dhe artistët ndërkombëtarë të shkëlqejnë dhe të ndajnë artin e tyre me publikun kosovar, rajonal dhe ndërkombëtar.
Festivali filloi të enjten mbrëma në Bërnicë të Poshtme, rreth dhjetë kilometra larg Prishtinës, me një natë spektakolare, që sharm i dha ylli global i pop muzikës, Bebe Rexha. Këngëtarja shqiptaro-amerikane, e njohur për vokalet e saj të fuqishme dhe prezencën dinamike në skenë, ishte atraksioni kryesor në ditën e parë të festivalit, i cili është i njohur për përzierjen e tij eklektike të talenteve vendore dhe ndërkombëtare.
Nata e tretë e Sunny Hill Festival është dukur edhe më gjallëruese, ndërsa kjo energji ka filluar me artistët kosovarë Ghetto Geasy, Ledri Vula e Mc Kresha me Lyrical Son, për të arritur kulmin me daljen në skenë të Stormzy-t, i cili duke valëvitur flamurin e Kosovës, i ka premtuar publikut se do t’i dhurojë emocione të paharrueshme. P
Pas përfundimit organizatorët janë lavdëruar për mbarëvajtjen, ndërsa të rinjtë për pjekurinë e treguar duke mos shkaktuar as më të voglin incident.
Sunny Hill është bërë temë e mediave ndërkombëtare, po ashtu, të cilat e krahasojnë me Glastonbury e Coachella. /Katror.info
Përgatiti:
